بچے کی تربیت اپنے جیسی مت کر دینا۔۔ شعیب ملک کا بیٹے کے ساتھ لنچ کرنا لوگوں کو کیوں برا لگا؟

Netizen Criticized Shoaib Malik Meet Up With Son

شعیب ملک — ایک نامور پاکستانی کرکٹر، جنہوں نے اپنے کیریئر میں بے شمار کامیابیاں سمیٹیں، مگر ان کی ذاتی زندگی ہمیشہ خبروں میں رہی — خاص طور پر ان کی سابقہ اہلیہ، بھارتی ٹینس اسٹار ثانیہ مرزا سے طلاق اور اداکارہ ثنا جاوید سے دوسری شادی کے بعد۔

آج شعیب ملک نے دبئی سے اپنے بیٹے اذہان مرزا ملک کے ساتھ ایک تصویر شیئر کی۔ کیپشن تھا "Lunch with my best friend."

یہ تصویر تو پیاری تھی، مگر سوشل میڈیا پر جذبات بھڑک اٹھے۔

جہاں کچھ لوگوں نے باپ بیٹے کے اس لمحے کو سراہا، وہیں اکثریت نے شعیب ملک کو آڑے ہاتھوں لے لیا۔

ایک صارف نے لکھا، جب ماں باپ الگ ہو جائیں تو بچہ دونوں گھروں کی بلی بن جاتا ہے… صرف کھانے پر لے جانا محبت نہیں، ذمہ داری ادا کرنا سیکھیں۔

دوسرا تبصرہ تھا، صرف تصویر پوسٹ کرنا اور ایک دن کا کھانا کھلا دینا کافی نہیں، بچے کو مستقل وقت، رہنمائی اور باپ کا احساس چاہیے۔

کسی نے لکھا، اذہان ایک معصوم بچہ ہے… اور معصومیت کے ساتھ باپ کی مستقل موجودگی کا حق دار بھی۔

ایک مداح نے جذبات میں آ کر کہا، ثانیہ مرزا آپ کے لیے بہتر تھیں، دونوں سمجھدار اور باوقار شخصیات تھے، مسئلہ حل کیا جا سکتا تھا، طلاق آخری حل نہیں ہونا چاہیے تھا۔

سوشل میڈیا پر اس بحث نے ایک بڑا سوال اُٹھا دیا ہے، کیا باپ کا کردار صرف کبھی کبھار کا رشتہ بن کر رہ گیا ہے؟

یہ اسٹوری نہ صرف ایک مشہور شخصیت کی ذاتی زندگی پر روشنی ڈالتی ہے بلکہ ایک وسیع تر سماجی مسئلے کو بھی سامنے لاتی ہے — طلاق کے بعد بچوں کی جذباتی اور نفسیاتی حالت، اور ماں باپ کی ذمہ داری۔