موبائل چھوڑیں کھانے پر دھیان دیں۔۔ کھانا پکاتے ہوئے خواتین کی وہ غلطی جو گھر والوں کو اسپتال پہنچا دیتی ہے

آپ نے اکثر غور کیا ہوگا کہ کھانا پکاتے ہوئے جب بھی دھیان ادھر ادھر ہوتا ہے تو نمک تیز ہوجاتا ہے یا کبھی سالن کی مقدار کم ہوجائے تو بھی نمک تیز ہوجاتا ہے، بہرحال وجہ جو بھی ہو کھانا پکاتے ہوئے ذرا سی لاپروائی گھر والوں میں صحت کے کئی مسائل جنم دے سکتی ہے۔ آئیے آپ کو بتاتے ہیں کہ جدید تحقیق کھانے میں نمک تیز ہونے کو کن بیماریوں کی جڑ قرار دیتی ہے۔

برطانوی طبی ماہرین کے ٥ لاکھ افراد پر کی گئی تازہ ترین تحقیق کے مطابق نمک کی زیادتی امراض قلب، دل کی دھڑکن تیز اور بے ترتیب ہوجانا ، نظام ہاضمہ کا خراب ہونا سمیت فالج جیسی بیماریوں میں مبتلا کرتی ہے۔ یہ تحقیق 2006 سے 2010 کے درمیان کی گئی اور سالوں تحقیق کا حصہ بننے والے رضا کاروں کا جائزہ لیا گیا۔

واضح رہے کہ نمک کی زیادتی صرف گھر کے بنے کھانوں میں نہیں ہوتی بلکہ گھر کے باہر تو کھانوں میں نمک تیز ہونا معمول کی بات ہے اس لئے صحت چاہتے ہیں تو باہر کا کھانا ترک کردیں جبکہ کچھ لوگ جو کھانے میں نمک ہونے کی شکایت کرتے ہوئے اوپر سے نمک چھڑک کر کھاتے ہیں وہ جان لیں کہ یہ عادت ’ایٹریل فبلریشن‘ نامی بیماری کی وجہ بنتی ہے۔ اس بیماری میں بھی دوران دل کی دھڑکن بے ترتیب ہوجاتی ہے اور پھر مسلسل اس کی دھڑکن تیز ہونے سے فالج بھی ہوجاتا ہے۔