تربوز! قدرت کا خاص تحفہ، تربوز کھانے اور پینے کے علاوہ جلد کی حفاظت اور حسن کے لئے پیل آف ماسک، اسکربنگ کریم اورخاص شربت ۔ ڈاکٹر بلقیس کا رمضان گفٹ

موسم گرما کے آغاز ہی میں ہر جگہ تربوز نظر آنے لگتا ہے، تربوز کے استعمال سے صحت پر اس قدر طبی فوائد حاصل ہوتے ہیں کہ اگر اس پر غور کیا جائے تو انسانی عقل دنگ رہ جائے۔ غذائی ماہرین کے مطابق گرمیوں میں زیادہ پسینہ آنے اور روزہ رکھنے کی صورت میں پانی کی کمی کا ہونا عام بات ہے اور ان مسائل کا حل تربوز کے استعمال سے کیا جا سکتا ہے۔ یہ قدرت کی طرف سے ایسا انمول تحفہ ہے کہ جس کا کوئی نعم البدل نہیں۔ اسی تربوز کے ان فوائد کو حاصل کرنے کے لئے ڈاکٹر بلقیس نے ہمیں رمضان کا خصوصی گفٹ دیا اور تربوز کے پاور بوسٹر اسپیشل شربت کے علاوہ اس سے پیل آف ماسک، اسکربنگ کریم اوراسکن ٹائٹننگ کا بھی بہترین طریقہ بتادیا ۔

تربوز کے ایک کپ میں کیا کیا پایا جاتا ہے؟

کیلوریز 46 گرام
کاربس 5۔11 گرام
فائبر 6۔0 گرام
شکر 4۔9 گرام
پروٹین 9۔0 گرام
فیٹ 2۔0 گرام
وٹامن اے 5 فیصد( روزانہ کی خوراک کا)
وٹامن سی 14 فیصد(روزانہ کی خوراک کا)
پوٹاشئیم 4 فیصد ( روزانہ کی خوراک کا)
میگنیشئیم 4 فیصد (روزانہ کی خوراک کا)

تربوز کو منفرد کرنے والی 2 چیزیں کون سی ہیں؟

آرجینین

تربوز میں ایک اہم جز آرجینین پایا جاتا ہے جوکہ امینو ایسڈ کاحصہ ہے یہ دل کی صحت کے لئے بہترین ہے اس سے دل کی شریانیں اور وریدیں کھلتی ہیں اور دورانِ خون بہتر ہوتا ہے۔ یہ جلد کے لئے بھی بہت عمدہ ہے اس سے جلد میں چمک پیدا ہوتی ہے۔ اس کے علاوہ یہ جلد کو بوٹوکس ایفیکٹس بھی دیتا ہے۔

لائیکوپین

لائیکو پین ٹماتر میں بھی پایا جاتا ہے۔ یہ سیلز کو ڈیمیج ہونے سے روکتا ہے ۔ چہرے پر سرخی لاتا ہے۔ تربوز کے چھلکے سے حسن کا نکھار

٭ تربوز کا سرخ حصہ کاٹنے کے بعد نیچے کا سفید یا ہلکا گلابی مائل حصہ آپ کی جلد کی ٹائٹننگ کے لئے بہترین ٹونر ہے۔ اس کا طریقہ کار یہ ہے کہ اوپر کا سرخ تربوز کاٹ کر استعمال کر لیں نیچے والے سفید حصے پر کٹ لگا لیں اور اس کو اسی طرح اپنے چہرے، ہاتھوں، گردن وغیرہ پر ملیں اس کے مستقل استعمال سے آپ کی جلد تروتازہ اور جوان ہو جائے گی۔ اس میں سارے بیوٹی منرلز موجود ہیں۔

پیل آف ماسک

تربوز کا جوس نکال لیں اب اس میں چینی ملا کر پکالیں ،گاڑھا ہو جائے تو اتار لیں ۔اب اس کو اپنے چہرے پر لگائیں۔ یہ پیل آف ماسک بن گیا جو آپ کی اسکن کو ایک نئی چمک دمک عطا کرے گا۔

اسکربنگ کریم

ایک امرود اور ایک قاش تربوز کاٹ کر اس کو بلینڈ کر لیں یہ آپ کی زبردست اسکربنگ کریم تیار ہو گئی ۔ اسکو چاہیں تو چھان لیں اور چاہیں تو ایسے ہی استعمال کریں ۔ چند ہی دن میں آپ کو اپنی جلد پر واضح فرق نظر آئے گا۔

پاور بوسٹر شربت

ایک کپ تربوز اور 5 سے 6 اسٹرابیری لے کر اس میں خوب ساری برف ڈال کر اس کو اچھا سا بلینڈ کر لیں آپ کا پاور بوسٹر شربت تیار ہے۔ اس کے اتنے فوائد ہیں کہ اپ سوچ نہیں سکتے۔ ایک تو تربوز صحت کا خزانہ اور پھر اسٹرابیری جو کہ آپ کو جوان رکھتی ہے، ان دونوں کو ملا کر آپ روزے کے دوران اپنی کھوئی ہوئی توانائی کو دوبارہ حاصل کر سکتے ہیں۔

By Afshan  |   In Tips and Totkay  |   0 Comments   |   3229 Views   |   15 Apr 2022
Related Articles
Top Trending
Comments/Ask Question

Read Blog about تربوز! قدرت کا خاص تحفہ، تربوز کھانے اور پینے کے علاوہ جلد کی حفاظت اور حسن کے لئے پیل آف ماسک، اسکربنگ کریم اورخاص شربت ۔ ڈاکٹر بلقیس کا رمضان گفٹ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find ( تربوز! قدرت کا خاص تحفہ، تربوز کھانے اور پینے کے علاوہ جلد کی حفاظت اور حسن کے لئے پیل آف ماسک، اسکربنگ کریم اورخاص شربت ۔ ڈاکٹر بلقیس کا رمضان گفٹ) and how to utilize other natural ingredients to cure diseases, easy recipes, and other information related to food from KFoods.