اتنے بڑے چینل ہو کر ایسی حرکت۔۔ وائرل گرل شہزادی نے مارننگ شوز کے پول کھول دیئے! ویڈیو بیان پر ہلچل مچ گئی

Viral Girl Shehzadi Reveals Morning Shows Reality

سوشل میڈیا پر وائرل ہونے والی ٹک ٹاک اسٹار شہزادی نے اپنی معصوم اداؤں اور منفرد اندازِ گفتگو سے مداحوں کے دل جیت لیے۔ ان کی پہچان ان کا وہ پیارا انداز ہے جس میں وہ بدتمیز یا طنزیہ تبصروں کا بھی نہایت میٹھے اور دوستانہ لہجے میں جواب دیتی ہیں۔ یہی انداز دیکھنے والوں کے دلوں میں گھر کر گیا۔

ستمبر میں شہزادی کو ندا یاسر کے مقبول مارننگ شو گڈ مارننگ پاکستان میں مدعو کیا گیا، جہاں ان کی سادگی اور دلکشی نے سب کو متاثر کیا۔

تاہم حال ہی میں اداکارہ و میزبان عظمیٰ طاہر کے شو میں گفتگو کے دوران شہزادی نے ایک چونکا دینے والا انکشاف کیا۔

ان کا کہنا تھا، میں اُسامہ ناصر کے پوڈکاسٹ پر گئی، وہاں سے مجھے کوئی پیسے نہیں ملے، مگر انہوں نے میرا بہت ساتھ دیا جس سے میں وائرل ہوئی۔ پھر میں گڈ مارننگ پاکستان گئی، وہاں سے بھی کچھ نہیں ملا۔ حتیٰ کہ متھیرا کے شو میں بھی گئی، مگر وہاں بھی کوئی معاوضہ نہیں دیا گیا۔

اس پر عظمیٰ طاہر نے افسوس کا اظہار کرتے ہوئے کہا کہ، اتنے بڑے چینلز کو شہزادی جیسے ابھرتے ہوئے فنکاروں کو ضرور معاوضہ دینا چاہیے، کیونکہ عموماً بڑے ادارے اپنے مہمانوں کو چیک دیتے ہیں۔ انہوں نے مزید کہا کہ آج کے دور میں جب مہنگائی عروج پر ہے، ایسے باصلاحیت لوگوں کو سپورٹ کرنا وقت کی ضرورت ہے۔

دل چھو لینے والی بات یہ ہے کہ عظمیٰ طاہر نے بتایا کہ انہوں نے اپنی استطاعت کے مطابق شہزادی کو ذاتی طور پر ایک چھوٹا سا چیک دیا تاکہ اس کی حوصلہ افزائی ہو اور وہ اپنے خوابوں کی راہ پر مزید آگے بڑھ سکے۔

شہزادی کی کہانی اس بات کا ثبوت ہے کہ اگر ارادہ سچا ہو اور دل صاف، تو دنیا کی تنقید بھی شہرت کا زینہ بن جاتی ہے۔