پہلے میں ایک ڈری ہوئی بچی تھی اور اب۔۔ نادیہ جمیل کی پوسٹ پر ثانیہ مرزا کا چونکا دینے والا جواب وائرل

“یہاں تک پہنچنے میں بہت وقت لگا لیکن یقیناً میں خوش نصیب یوں جو ہر دکھ اور تکلیف سے گزر کر آج پر اعتماد ہوں۔ ہر بچہ اہمیت رکھتا ہے۔ میں اپنے اندر کے بچے سمیت ہر اس بچے کو خوشی اور تحفظ دینے کی ذمہ دار ہوں جسے میں دے سکتی ہوں“

یہ کہنا ہے معروف اداکارہ اور سماجی کارکن نادیہ جمیل کے جنھوں نے گزشتہ روز سوشل میڈیا ویب سائٹ ایکس پر پوسٹ کرتے ہوئے اپنی زندگی کی سچائیوں پر بات کی۔ نادیہ جمیل لکھتی ہیں کہ “میری زندگی کی تکالیف تب تک جاری رہیں جب تک میں نے یہ نہیں سیکھ لیا کہ کیسے اپنی عزت کرنی ہے اور کیسے خود سے محبت کرنی ہے۔ ہمیں اس بچے کی دیکھ بھال بھی کرنی ہے جو ہمارے اندر کھو چکا ہے۔ “

نادیہ جمیل کی اس پوسٹ کو جہاں کئی لوگوں نے سراہا وہیں معروف بھارتی ٹینس اسٹار ثانیہ مرزا بھی ان سے متاثر ہوئے بغیر نہیں رہ سکیں۔ ثانیہ نے نادیہ کی پوسٹ کو شئیر کرتے ہوئے لکھا کہ “آپ حقیقت میں متاثر کن شخصیت ہیں، میں آپ کو فالو کررہی ہوں، آپ جو بھی کرتی ہیں میں آپ کو دیکھتی ہوں“

واضح رہے کہ نادیہ جمیل نے حال ہی میں لاہور میں کم سن ملازمہ رضوانہ پر ہونے والے ظلم کے خلاف آواز اٹھائی جبکہ وہ یہ انکشاف بھی کرچکی ہیں کہ بچپن میں ان کے ساتھ بھی جنسی استحصال ہوچکا ہے۔ نادیہ جمیل کینسر سروائیور بھی ہیں۔