سیب کا سرکہ ہر گھر میں کسی نہ کسی طرح استعمال کیا جاتا ہے، کوئی دبلا ہونے کے لئے روزانہ اس کو پیتا ہے تو کوئی بیوٹی ٹپس میں استعمال کرتا ہے ۔ اس کے فوائد بے شمار ہیں لیکن ہر چیز کا زیادہ استعمال آپ کو نقصان پینچاتا ہے اور یہی وجہ ہے کہ سیب کا سرکہ بھی زیادہ استعمال کرنے سے آپ کو نقصان پہنچا سکتا ہے۔
نقصانات:
آپ بھی جان لیں اس کے یہ 5 نقصانات ہوسکتا ہے کہ آپ کے ساتھ بھی یہ مسائل پیش آتے ہوں اور آپ کو معلوم ہی نہ ہو کہ یہ کس وجہ سے ہو رہے ہیں:
• تیزابیت:
سیب کے سرکے میں ایسٹک ایسڈ پایا جاتا ہے اور اس کا زیادہ استعمال جسم میں تیزابیت بڑھا دیتا ہے کیونکہ ایسڈ کی مقدار بڑھ جاتی ہے اور یوں صرف تیزابیت ہی نہیں بلکہ قبض اور معدہ خراب ہو جاتا ہے۔ ایسے لوگ جنہیں جگر کے مسائل ہوں وہ ڈاکٹر کی ہدایت کے بغیر کسی بھی قسم کے سرکے کو ہر گز استعمال نہ کریں اس سے جگر کے افعال بُری طرح متاثر ہو تے ہیں ۔
• گلے میں جلن:
اس کو زیادہ استعمال کرنے سے گلے میں جلن اور سوجن بھی ہوجاتی ہے۔ کیونکہ اس میں الکلائن -آئن بھی موجود ہوتے ہیں جو گلے میں خراش سمیت مختلف مسائل کی وجہ بنتے ہیں۔
• بلڈ شوگر میں اضافہ:
سیب کے سرکے میں اینٹی گلائسمک خواص پائے جاتے ہیں جو خون میں شوگر کو بڑھانے کا کام کرتے ہیں ۔ جس کی وجہ سے انسولین کی مقدار بڑھنے کا خدشہ ہوتا ہے۔ اس لئے محتاط رہ کر استعمال کرنا آپ کی اچھی صحت کے لئے مفید ہے۔
• پوٹاشئیم کی کمی اور ہڈیوں میں کمزوری:
پوٹاشئیم کی کمی اور ہڈیوں کی کمزوری کی بڑی وجہ سرکے کا زیادہ استعمال ہے۔ پوٹاشئیم کی مددسے ہمارے مسلز اور مختلف اعضاء بہتر طور پر کام کرتے ہیں مگر –آئنز ان کی طاقت کو زائل کر دیتے ہیں ۔
• کمزور دانت:
دانتوں کی اوپری سطح اور اندرونی انیمل شیٹ اس کی وجہ سے بُری طرح سے متاثر ہوتی ہے ۔ یہ جسم کی پی –ایچ لیول کو بڑھا دیتا ہے جس سے مسھوڑوں اور کھانا چبانے کا کام متاثر ہوتا ہے۔