ساحر لودھی کی بیوی دنیا کے سامنے کیوں نہیں آتیں؟ سالوں بعد اس راز سے پردہ اٹھا دیا

Sahir Lodhi Talks About His Wife

پاکستانی شوبز کی چمکتی دنیا کے ہمہ جہت فنکار ساحر لودھی نے حال ہی میں اپنی نجی زندگی کا ایک ایسا پہلو شیئر کیا ہے، جس کے بارے میں ان کے مداح برسوں سے تجسس میں مبتلا تھے۔

ریڈیو سے اپنے فنی سفر کا آغاز کرنے والے ساحر لودھی آج ٹی وی، فلم اور ریڈیو — تینوں میدانوں میں اپنی پہچان بنا چکے ہیں۔ اپنی پرجوش میزبانی، مؤثر اندازِ گفتگو اور منفرد شخصیت کے باعث وہ دو دہائیوں سے ناظرین کے دلوں پر راج کر رہے ہیں۔ مگر ان سب کامیابیوں کے باوجود، ان کی گھریلو زندگی ہمیشہ پردے کے پیچھے رہی۔

ایک تازہ انٹرویو میں جب ان سے اس حوالے سے سوال کیا گیا تو ساحر نے مسکراتے ہوئے کہا، میری اہلیہ اپنی دنیا میں خوش ہیں، وہ شہرت کی روشنیوں سے دور رہنا پسند کرتی ہیں۔ ان کے مطابق، شادی کے ابتدائی عرصے میں ان کی بیوی چند مواقع پر ان کے ساتھ نظر آئیں، مگر جلد ہی انہوں نے میڈیا سے فاصلہ اختیار کر لیا۔ یہ ان کا فیصلہ تھا، اور میں نے ہمیشہ ان کی پسند کا احترام کیا، ساحر نے واضح کیا۔

یوں برسوں بعد، اس خاموشی کے پیچھے کی کہانی سامنے آئی — ایک ایسی شریکِ حیات کی جو شوہرت نہیں بلکہ سادگی اور سکون کو زندگی کی اصل کامیابی سمجھتی ہیں۔