Ramadan In Turkey Sehr And Iftar
آج ہم آپ کو بتائیں گے کہ ارطغرل کے ترکی میں لوگ سحر وافطار میں کیا کھانا اور روایتی مشروبات تیار کرنا اور کھانا پسند کرتے ہیں جوان کے ہاں سلطنت عثمانیہ کے زمانے سے رائج ہیں۔ پوری مسلم امہ کی طرح ترکی میں بھی پورے جوش وخروش سے رمضان کا استقبال کیا جاتا ہے اور اس کے آغاز کا اعلان خلافتِ عثمانیہ کی روایات کے مطابق توپوں کے فائر کر کے کیا جاتا ہے۔ یہ عثمانی سلطنت کے آخری خلیفہ عبدالحمید ثانی کے دور کی یادگار ہے۔
یہاں افطار میں ہر دسترخوان کی زینت "پیتا روٹی" ہوتی ہے ۔ یہ بڑی محنت سے بننے والی گول روٹی یا نان ہےجس میں بکلاوے کی طرح پرتیں ہوتی ہیں۔اور یہ افطار کا لازمی جزو سمجھی جاتی ہے۔اس کو لینے کے لئے نان بائیوں کے ہاں لوگوں کی طویل قطاریں دیکھنے میں آتی ہیں۔ یہ خاص روٹی رمضانوں میں ہی کھائی اور بنائی جاتی ہے۔اس کا بنانا خاصا محنت طلب اور وقت طلب کام ہے، اسی لئے شاید یہ صرف رمضانوں کے لئے ہی مخصوص ہے۔اس کے آٹے کو چینی،دودھ،تیل اور انڈوں سے گوندھا جاتا ہے ، اس کے اوپر خصوصی آمیزہ شفا لگایا جاتا ہے جو روٹی کو سنہری چمک دیتا ہے۔ اس کے اوپرتل اور کلونجی ڈالی جاتی ہے ۔ یہ روٹی سحرو افطار دونوں میں کھائی جاتی ہے۔
دوسری اہم چیز کھجور ہے ،غذائیت سے بھرپور یہ جادوئی میوہ افطار کا اہم ترین حصہ ہے۔ سنتِ رسولﷺ کے مطابق ساری دنیا میں مسلمان اسی سے روزہ افطار کرنا پسند کرتے ہیں۔ گو کہ یہاں خشک میوے، پنیر، زیتون، اور خشک گوشت سے دسترخوان اور میزیں بھری ہوتی ہیں لیکن پھر بھی شوربے یا سوپ کے کھانوں کی ثقافت اپنے عروج پر دکھائی دیتی ہے۔ دیہی علاقوں میں خاص طور پر رمضان سے پہلے ہی بڑی محنت سے خشک شوربوں کے آمیزے تیار کرتے ہیں اور ہاتھوں سے بنی سویاں اس میں شامل کی جاتی ہیں۔ اس میں تاریخ کا پہلا انسٹنٹ سوپ ترکی کا مشہور ترخانا اس میں اہم کردار ادا کرتا ہے۔ دوسرے انوکھے اور تازہ دم کردینے والے شوربوں کی طرح جو دہی پر مبنی ہوتے ہیں ،اور ٹھنڈے یا گرم پیش کئے جاتے ہیں اور ان میں سب سے مشہور ییلا ہے ۔ اس کی ہر خطے میں اپنی اقسام اور اپنے نام ہے، جن میں سب سے زیادہ پسند کیے جانے والے "ابیک”، "یوالاما،” اور "اغماق” ہیں۔
فروٹ چاٹ اور شربت بھی عثمانی دور سے جاری روایات میں سے ایک روایت ہے۔ قدرتی جڑی بوٹیوں سے بننے والے تازہ مشروبات جیسے املی، شہتوت، کندس، اور گلاب سمیت کئی مشروبات یہاں کی خصوصیت ہے۔
گولاچ ایک میٹھا ہےجو رمضان میں خصوصاً تیار کیا جاتا ہے۔ مکئی کے خشک نشاستے، آٹے،اورپانی کی پرتوں پر مشتمل دودھ اور عرقِ گلاب میں بھگویا جاتا ہے۔ اس میٹھے میں استعمال ہونے والی پرتیں رمضان سے مہینوں پہلے تیار کر لی جاتی ہیں اور پھر انہیں اس مہینے میں استعمال کیا جاتا ہے ،یہ بھینس کے دودھ سے تیار کیا جاتا ہے۔
آخری چیز کندی ہے جسے کینڈی بھی کہا جاتا ہے۔ یہ عام طور پرعید کا اہم جزو ہے، جسے میٹھے کے طور پر بنایا جاتا ہے، اور رمضان کے آخری دنوں میں اسے تیار کر لیاجاتا ہے۔
ترکی کی ایک خاص بات یہ ہے کہ یہاں کے صدر رجب طیب اردوان اکثر رمضان کے مہینے میں ترکی کے غریب علاقوں میں اپنی اہلیہ کے ساتھ اچانک بغیر کسی پروٹوکول کے کسی بھی گھر پر دستک دے دیتے ہیں اور ان کے ساتھ کبھی سحری اور کبھی افطار کرتے ہیں، لوگ ان کی اس عادت کو بہت سراہتے ہیں اور ان کی بہت قدر کرتے ہیں۔
Discover a variety of News articles on our page, including topics like Ramadan In Turkey Sehr And Iftar and other health issues. Get detailed insights and practical tips for Ramadan In Turkey Sehr And Iftar to help you on your journey to a healthier life. Our easy-to-read content keeps you informed and empowered as you work towards a better lifestyle.