کلام پڑھو گے تو چہرہ دکھاؤں گی ۔۔ نابینا قاری نے کیسے شادی میں تلاوت کی اور اپنی دلہن کی فرمائش پوری کر کے دل جیتا لیا؟

دنیا میں سکون کی تلاش ہر انسان کو ہوتی ہے اور مسلمانوں کا اس بات پر یقین ہے کہ انہیں سکون قرآن پاک کی تلاوت سے ہی ملتا ہے۔ یہی وجہ ہے کہ آج سوشل میڈیا پر ایک شخص کی ویڈیو وائرل ہو رہی ہے جس کے بارے میں سن کر آپ اس کی تعریف کیے بغیر نہیں رہ سکیں گے۔

جی ہاں اس شخص کا نام عبد اللہ مصطفیٰ ہے اور یہ پیدائشی طور پر نابینا ہیں پر اللہ پاک نے اسے انتہائی خوبصورت اور سحر کن آواز بخشی ہے۔ جس کا واضح ثبوت ان کی شادی کی یہ ویڈیو ہے۔
جس میں ان کی دلہن نے ان کی جانب تب تک نہیں دیکھا جب تک انہوں نے قرآن کی آیا ت کی تلاوت نہ کی۔ اس عمل کے بعد والد نے ان کا ماتھا چوما اور ان کی دلہن انتہائی خوشی کے عالم میں ان کے پاس جا کھڑی ہوئیں۔

یہی نہیں اس قاری صاحب کی انٹرنیٹ پر قرآن کی تلاوت کرتے ہوئے کئی ایک ویڈیوز موجود ہیں جنہیں دیکھنے والے بہت پسند کرتے ہی۔ اس کے علاوہ پاکستان میں بھی آج سے چند سال پہلے ایک ایسا ہی واقعہ دیکھنے کو ملا تھا جس میں دولہے نے اسٹیج پر بیٹھے سورہ رحمان کی تلاوت کی تو ان کی سحرکن آواز نے سب کو متاثر کیا۔

ان کا نام ڈاکٹر فیضان تھا اور یہ شادی لاہور کے مقامی شادی ہال میں ہوئی تھی۔ اس ویڈیو کو دیکھنے کے بعد کئی ایک صارفین کا کہنا تھا کہ شادیوں میں ناچ گانے کی بجائے ہمیں اپنی مذہبی روایات پر ہمیشہ ہمل کرنا چاہیے۔