ساس نے شوہر کے سامنے ہاتھ پکڑ کر گھر سے نکال دیا.. ریکھا کی زندگی کے وہ سچ جن کے بارے میں کوئی نہیں جانتا

69 برس کی عمر میں بھی جوان نظر آنے والی ریکھا کے بالی وڈ کی جان سمجھے جانے والے امیتابھ بچن سے محبت کی داستان تو سب نے سن رکھی ہے. البتہ بہت کم لوگ جانتے ہیں کہ محض 16 برس کی عمر سے اداکاری کی دنیا میں قدم رکھنے والی ریکھا نے اس کے علاوہ بھی کئی ناکام محبتیں کیں

ریکھا کی پہلی شادی اداکار ونود مہرا سے ہوئی۔ ریکھا اور ونود دونوں ہی اس شادی سے بے انتہا خوش تھے لیکن ونود کی ماں نے ریکھا کو ہاتھ پکڑ کر بیٹے کے سامنے ہی گھر سے نکال دیا. اس طرح یہ شادی صرف 2 ماہ میں ختم ہوگئی. ونود مہرا نے اس کے بعد 3 شادیاں کیں لیکن ان کے قریبی ساتھی نے ایک شو میں انکشاف کیا کہ محبت انھیں صرف ریکھا سے تھی. اگرچہ ریکھا نے بھی ونود سے شادی کی حقیقت کو سیمی گریوال کے شو میں ماننے سے ٹال دیا مگر اس بات کے گواہ کئی لوگ ہیں۔

ریکھا کی دوسری شادی اس دور کے نامی گرامی انڈسٹریلیسٹ مکیش اگروال سے ہوئی. نئی نویلی دلہن اس بات سے واقف نہیں تھیں کہ مکیش پہلے سے ڈپریشن کا شکار تھے اور ان کا علاج چل رہا تھا. ریکھا جیسے ہی کام کے سلسلے میں ملک سے باہر گئیں مکیش نے خودکشی کرلی. اس طرح ریکھا کی دوسری شادی بھی صرف 7 ماہ چل سکی.