ماں کا ہاتھ تھام کر کلمہ پڑھوایا اور۔۔ ریمبو اپنی والدہ کے آخری لمحات بتاتے ہوئے آبدیدہ! صاحبہ کا ساس کے ساتھ رویہ بھی بتا دیا

Rambo Shares Last Moment Of His Mother And Praise Wife Sahiba

پاکستان کے معروف اداکار جان ریمبو ہمیشہ سے محنت، خلوص اور اپنی فیملی سے بے پناہ محبت کے باعث پہچانے جاتے ہیں۔ فلموں سے لے کر ڈراموں تک اپنی پہچان بنانے والے ریمبو نے حال ہی میں دی ثانی پوڈکاسٹ میں اپنی زندگی کے سب سے حساس اور جذباتی لمحات شیئر کیے۔

اداکار نے اپنی والدہ سے گہری وابستگی کا ذکر کرتے ہوئے بتایا کہ وہ نہایت سادہ مزاج مگر بے حد حوصلہ دینے والی خاتون تھیں۔ ایک شوٹنگ کے دوران انہیں اطلاع ملی کہ والدہ کی طبیعت بگڑ گئی ہے۔ وہ فوراً پہنچے اور جب وہ ہوش کھو رہی تھیں تو ریمبو نے ان کا ہاتھ تھام کر کلمہ پڑھوایا۔ وہ اسی لمحے ان کی بانہوں میں دنیا سے رخصت ہوگئیں۔

ریمبو کے مطابق، اس دن یوں لگا جیسے میری زندگی وہیں رک گئی ہو۔

انہوں نے یہ بھی بتایا کہ، خوش قسمتی سے وہ اپنی والدہ کی خواہش پر ان کے لیے نفل ادا کر سکے اور ان کی آخری عبادت میں مدد بھی کر سکے۔

بات کرتے ہوئے ریمبو نے اپنی اہلیہ صاحبہ کے کردار کو بھی خصوصی طور پر سراہا۔ انہوں نے کہا کہ ماں کے بعد ایک بہترین بیوی کا ہونا مرد کی زندگی میں عظیم نعمت ہے۔ والدہ کے انتقال کے بعد صاحبہ نے انہیں بے حد سنبھالا، ان کی صحت، جذبات اور ہر ضرورت پر پہلے سے زیادہ توجہ دی۔

ریمبو کے مطابق، صاحبہ اور ان کی والدہ ایک دوسرے کے بہت قریب تھیں، اور دونوں کا رشتہ محبت اور احترام سے بھرا ہوا تھا۔