نہ شادی، نہ بچے! صرف نیاز پکاؤ اور اسی میں۔۔ ڈاکٹر عمر عادل کا ریشم پر زہریلا حملہ، صارفین نے بھی اوقات یاد دلا دی

Dr Omer Adil Disgusting Remarks On Resham Get Criticized

پاکستانی آرتھوپیڈک سرجن اور متنازع فلمی نقاد ڈاکٹر عمر عادل نے ایک بار پھر حد پار کر دی — اس بار نشانے پر ہیں اُن کی سابقہ دوست اور معروف اداکارہ ریشم۔

اپنے حالیہ تبصرے میں ڈاکٹر عمر عادل نے نہ صرف ریشم کی شخصیت بلکہ اُن کی نجی زندگی اور مذہبی عمل کو بھی نشانہ بنایا۔

ان کا کہنا تھا، ریٹائرڈ پاکستانی اداکاراؤں کو اب کچھ اور تو کرنا آتا نہیں، سو وہ شوز اور پوڈکاسٹس میں میرے خلاف رونا روتی ہیں۔ اے بی بی! اپنی قسمت پر نوحہ پڑھ، نہ کوئی تجھے بیاہے گا، نہ تیرے نصیب میں بچے ہیں۔ بس وہی دیگوں میں نیاز پکا، اور اُسی میں مر جا! شادی؟ اولاد؟ خواب ہیں تیرے لیے، صرف دیگ کا چمچ ہی تھامے رکھ۔

اور وہ یہیں نہیں رُکے، بلکہ مزید کہا، جو دوسروں کے آنسوؤں پر ہنستے ہیں اور بکواس کرتے ہیں، وہ انسان نہیں ہوتے۔ اور تم اُنہیں عورتیں کہہ رہے ہو؟ عورتیں نہیں، چڑیلیں ہیں وہ!

یہ انتہائی تلخ اور توہین آمیز جملے سوشل میڈیا پر آگ کی طرح پھیل گئے، اور لوگوں نے سخت ردعمل دیا۔

ایک صارف نے لکھا، یہ وہی شخص ہے جسے ریشم نے کبھی 'خسری' کہا تھا، تب سے یہ زہر اُگل رہا ہے۔

ایک اور نے تبصرہ کیا، یہ خود کسی پاگل خانے کا مریض لگتا ہے، عورتوں کی عزت کرنا تو آتا نہیں، بس زبان چلاتا ہے۔

کسی نے تنقید کرتے ہوئے کہا، یہ کس نے اجازت دی کہ ایسے لوگوں کو پوڈکاسٹس پر بلایا جائے؟ اسے تو فوری طور پر بین کیا جانا چاہیے۔

ایک اور نے طنزیہ لکھا، خود بھی تو پوڈکاسٹ پر بیٹھ کر دوسروں پر کیچڑ اچھال رہا ہے، تو فرق کیا رہا؟

سوال اب صرف یہ نہیں کہ ڈاکٹر عمر عادل نے کیا کہا، اصل سوال یہ ہے کہ کیا ہماری سوسائٹی ایسے زہریلے الفاظ کو صرف "رائے کی آزادی" سمجھ کر نظرانداز کر دے؟ یا ہمیں یہ طے کرنا ہے کہ کردار کشی، تضحیک اور زبانی تشدد کی کوئی جگہ نہیں ہونی چاہیے؟