قرآن پڑھا تو زندگی ہی بدل گئی۔۔ جاپانی ماہر تعلیم نے اپنے ناراض خاندان کو کیسے مسلمان کیا؟ حیرت انگیز کہانی

“میں نماز پڑھا رہا تھا کہ والد اچانک مسجد میں داخل ہوگئے۔ انھوں نے نماز ادا کی اور میرا بیان بھی سنا۔ بتا نہیں سکتا کہ اس وقت کتنی خوشی ہوئی تھی۔ اپنے ماں باپ کو جنت کا حقدار بنتا دیکھ کر کون سی اولاد خوش نہیں ہوگی“

یہ کہنا ہے جاپان کے ماہر تعلیم Kyochiro Sugimoto کا۔ کیوچیرو سوگیموتو نے کچھ سال پہلے اچانک اسلام قبول کیا تو ان کے والدین ان سے کافی ناراض ہوگئے تھے لیکن کیوچیرو نے والدین کا احترم کرتے ہوئے انھیں کئی بار اسلام قبول کرنے کی پیشکش کی۔

10 ماہ قرآن پڑھا اور مسلمان ہوگیا

کیوچیرو سوگیموتو کہتے ہیں قرآن نے ان کی زندگی بدل دی اور یہی وجہ ہے کہ 10 ماہ تک قرآن کا مطالعہ کرنے کے بعد انھوں نے اسلام قبول کیا لیکن ان کی خواہش تھی کہ ماں باپ اور باقی گھر والے بھی اسلام کی جنت میں داخل ہوجائیں۔

دعوت اسلام دینا لوگوں کو برا کیوں لگتا ہے؟

بالآخر ان کی خواہش رنگ لائی اور ایک دن ان کے والد نے بیٹے کی امامت میں ہی نماز ادا کی اور بیان سنا۔ پھر ان کا پورا خاندان مسلمان ہوگیا۔ کیوچیرو کہتے ہیں کہ دعوت اسلام دینے میں لوگوں کو کیون اعتراض ہوتا ہے؟ ہم تو صرف یہ چاہتے ہیں کہ ہمارے ساتھ ہمارے پیارے بھی جنت میں جائیں۔ یہ صرف ہمارا پیار کرنے کا طریقہ ہے۔ اب میں بہت خوش ہوں کیوں کہ پیار کرنے والے ماں باپ موت کے بعد بھی میرے ساتھ ہوں گے۔