میرے اور حنا کے درمیان اچھی بات یہ ہے کہ.. آغا علی نے پہلی بار طلاق کی تصدیق کرتے ہوئے حنا الطاف کی کیا تعریف کی؟

"میں ٹھیک ہوں۔ دراصل، اب میں الحمدللہ بہت بہتر ہوں۔ اب میں یہ کہہ سکتا ہوں کہ میں خوش ہوں۔"

انہوں نے طلاق کے بعد زندگی پر غور کرتے ہوئے سیکھا ہوا سبق بیان کرتے ہوئے کہا، "میرا خیال ہے کہ آپ اپنی زندگی میں جتنے بھی رشتے بناتے ہیں، وہ آپ کی خوشی اور مرضی سے بنتے ہیں، لہذا ان کا خیال رکھنا چاہیے۔ لیکن اگر دونوں فریق اس میں ناکام ہو رہے ہوں تو بہتر یہی ہے کہ علیحدگی کا راستہ اختیار کریں تاکہ دونوں اپنی زندگی میں آگے بڑھ سکیں۔"

آغا علی نے مزید کہا، "رشتے کو کامیاب بنانے کے لیے دونوں طرف سے بھرپور محنت ضروری ہے۔ اگر یہ ممکن نہ ہو تو بہتر ہے کہ تعلق کو ختم کر دیا جائے تاکہ دونوں فریقین سکون سے آگے بڑھ سکیں۔"

انہوں نے حنا الطاف کے ساتھ اپنے تعلق کی عزت کو برقرار رکھنے کی اہمیت پر زور دیا، "میرے اور حنا کے درمیان جو سب سے اچھی بات ہے، وہ یہ کہ ہم نے اپنی عزت کبھی ختم نہیں کی۔ ورنہ ہم نے بہت سے رشتے دیکھے ہیں جن میں تعلق ختم ہونے کے بعد اخلاقی قدریں کم ہو جاتی ہیں۔"

زندگی سے سیکھے ہوئے سبق کے بارے میں آغا علی کا کہنا تھا، "میں نے سیکھا ہے کہ اپنے تعلقات کو عوام کے سامنے نہ لاؤں۔ عوامی سطح پر رشتے لانے سے مشکلات پیدا ہو سکتی ہیں، اس لیے آئندہ میں اس معاملے میں زیادہ محتاط رہوں گا۔"

انہوں نے مستقبل کی منصوبہ بندی کے بارے میں بات کرتے ہوئے کہا، "اس وقت میں محبت کو دوبارہ پانے کے بارے میں نہیں سوچ رہا۔ میں خود کو، اپنے کیریئر اور اپنی زندگی کو وقت دینا چاہتا ہوں۔ لیکن آپ کبھی نہیں کہہ سکتے کہ ایسا نہیں ہوگا۔ اللہ کے اپنے منصوبے ہوتے ہیں، اور میں اس بارے میں زیادہ نہیں سوچتا۔"

اداکار آغا علی نے احمد علی بٹ کی پوڈکاسٹ پر اپنی ذاتی زندگی کے راز افشا کرتے ہوئے، طلاق کی خبر کی تصدیق کی اور کہا کہ اب وہ خود کو مزید مضبوط اور خوش محسوس کر رہے ہیں۔ انہوں نے اپنی طلاق کو ایک بڑی سیکھ قرار دیا، جو زندگی میں آگے بڑھنے کا ایک موقع بنی۔

آغا علی کا کہنا تھا کہ رشتے ہماری مرضی سے بنتے ہیں، مگر انہیں نبھانا دونوں فریقین کی مشترکہ ذمہ داری ہے۔ جب یہ ذمہ داری پوری نہ ہو سکے، تو علیحدگی ایک نیا آغاز ثابت ہوتی ہے۔

آغا علی نے طلاق کے باوجود حنا الطاف کے ساتھ عزت اور اخلاقی قدریں برقرار رکھنے پر زور دیا، جو ایک کامیاب علیحدگی کا اصل معیار ہے۔

اداکار کا کہنا تھا کہ اس وقت وہ اپنی ذاتی زندگی اور کیریئر پر توجہ دے رہے ہیں، مگر اللہ کے منصوبے میں کسی بھی چیز کو ناممکن نہیں کہہ سکتے۔