پھلوں اور سبزیوں کے چھلکوں سے بنائیں اپنا بیوٹی کلینک ۔ جلد کے تمام مسائل کا مستقل علاج۔

پھل اورسبزی ہر گھر کی ضرورت ہے لیکن ان کے استعمال کے بعد ان کے چھلکے پھینک دیے جاتے ہیں ،ان چھلکوں سے آپ اپنے چہرے کے مسائل کوکس طرح حل کرسکتے ہیں؟ وہ بھی بغیر کسی اضافی خرچ کے آپ جان سکتے ہیں۔ بس ایک بات کاخیال رکھنا ہے کہ پھلوں اورسبزیوں کے چھلکے اتارنے سے پہلے انھیں اچھی طرح دھولیں۔ یوں توتمام ہی پھلوں اورسبزیوں کے چھلکے مفید ہیں لیکن ذیل میں چند عام پھل اورسبزی کے چھلکوں کی افادیت ہم بتا رہے ہیں، جوہرگھرمیں بآسانی موجود ہوتے ہیں۔

کیلے کاچھلکا جلد اور دانتوں کے لئے مفید:۔۔

کیلے کے چھلکے کاپیسٹ بناکر اس میں چند قطرے لیموں کارس ملاکر لگانے سے آئلی اسکن ٹھیک ہوجاتی ہے۔
خشک جلد کے لئے کیلے کے چھلکے میں شہد ملاکرلگایاجائے توجلد کی خشکی دورہوجاتی ہے۔
دانت بھی چہرے کاحصہ ہیں کیلے کے چھلکے پر ایک چٹکی بیکنگ سوڈا اورچٹکی بھر نمک ڈال کردانت صاف کرنے سے ایک دفعہ میں ہی دانت صاف اورچمکدارہوجائیں گے۔ کیلے کے چھلكوں میں بھرپور غذایئت اور نشاستہ ہوتے ہیں۔ اس میں حیاتین بی -6، بی -12، میگنیشیم کاربوہائیڈریٹ، اینٹی آکسیڈینٹ، پوٹاشیم اور مینگنیز جیسے بھرپور غذائی مادّے موجود ہوتے ہیں جو غذا کے جزوِبدن بننے کے لیے انتہائی مفید ہیں۔

اورنج کاچھلکا آپ کا بہترین ماسک:۔۔

اورنج کاچھلکا پیس کراسمیں آدھی چمچ بیکنگ سوڈا اورآدھی چمچ دارچینی پاؤڈر ملاکر چہرے کے دانوں پرپندرہ منٹ لگائیں تو دانے دورہوجائیں گے۔
کیلے ،کینوکے چھلکوں کوعرق گلاب کے ساتھ بلینڈ کرکے لگانے سے رنگت میں نکھار آتاہے۔
اورنج کے چھلکے سکھاکرپیس کررکھ لیں۔ روزانہ ایک چمچ اورنج کے چھلکوں کاپاؤڈر ،ایک چمچ جوکا آٹا لے کر دودھ یاعرق گلا ب کے ساتھ پیسٹ بناکرچہرے پرلگائیں،جلد صاف اورچمکدار ہوجائے گی۔ اورنج کے چھلکے میں وٹامن سی ہوتا ہے ، یہ جراثیم کش ہوتا ہے اور خوشگوار ذائقہ اور خوشبو رکھتا ہے۔

آلوکاچھلکا:۔۔

آلوکاچھلکاداغ دھبے دورکرنے میں بے حد مفید ہے۔ آلوکاچھلکا اوردوچمچ کریم لیکن اگرنارمل جلد ہوتو دوچمچ دہی شامل کرکے بلینڈ کرکے لگائیں۔ داغ دھبے دورہوجائیں گے۔
آلو کے چھلکے کاپیسٹ بناکر اسمیں ایک چٹکی ہلدی ملاکرچہرے پربیس منٹ لگاکر سادہ پانی سے دھولیں چہرے کے مردہ خلیات دورہوجائیں گے۔
آلو اورکھیرے کے چھلکے بلینڈ کرکے آنکھوں کوبند کرکے ان پرٹشو پیپر رکھ کر یہ پیسٹ رکھ لیں ڈارک سرکل دورہوجائیں گے۔
آلو کے چھلکے میں کُچھ ایسے خاص منرلز پائے جاتے ہیں جو ہڈیوں کی ساخت کو قائم رکھنے میں انتہائی مددگار ہیں خاص طور پر آلو میں شامل آئرن، پوٹاشیم، میگنیشیم، فاسفورس، کیلشیم، کاپر اور زنک جیسے منرلز پائے جاتے ہیں جو ہڈیوں سمیت سارے جسم کی صحت پر اچھے اثرات مرتب کرتے ہیں۔

لوکی کاچھلکا:۔

لوکی کے چھلکے ،ایلوویرا جیل دوچمچ، السی کاتیل ایک چمچ ملاکربلینڈ کرکے چہرے، ہاتھ اورگردن پربیس منٹ کے لئے لگائیں ۔ پھر چاہے دھوپ میں جائیں لیکن سن برن نہیں ہوگا۔
لوکی کے چھلکوں کاپیسٹ بناکر اسمیں آدھاچمچ بیسن ملاکرچہرے پر لگائیں ۔سادہ پانی سے دھولیں ۔ صابن کی ضرورت نہیں رہے گی۔