میں نے ان سے دوبارہ ملنے سے بھی انکار کردیا.. شاہد کپور کی وہ بات جو شائستہ لودھی آج تک نہیں بھولیں

“میری اتنی بے عزتی کبھی نہیں ہوئی۔ یہ اس وقت کی بات ہے جب میں اے آر وائی میں کام کرتی تھی اور بہت سے بالی وڈ اسٹارز کے انٹرویو کرچکی تھی۔ مجھے کہا گیا کہ شاہد کپور کا انٹرویو کرنا ہے جو مجھے اس وقت پسند بھی بہت تھے۔ میں نے بہت تیاری کی اور بیوٹی سیلون سے میک اپ اور بال بنوائے“

یہ قصہ سنا رہی ہیں مشہور ٹی وی میزبان ڈاکٹر شائستہ لودھی۔ شائستہ اگرچہ اب ملک بھر میں اپنے کئی کلینکس چلا رہی ہیں لیکن اس سے پہلے وہ کافی عرصے تک شوبز انڈسٹری کا حصہ رہی ہی اور میزبانی کے فرائض اجام دے چکی ہیں۔ مومن ثاقب کے شو میں انٹرویو دیتے ہوئے شائستہ نے اپنے اور بالی وڈ اسٹار شاہد کپور سے جڑا ایسا قصہ سنا دیا جسے سن کر ان کے مداح بھی حیران ہیں۔

شائستہ لودھی اپنے ساتھ پیش آئے واقعے کے بارے میں بتاتے ہوئے کہتی ہیں کہ “میں نے شاہد کا انٹرویو کیا اور ٹیم کی جانب سے کہا گیا کہ ٹی شرٹس پر شاہد کا آٹوگراف لینا ہے۔ ان شرٹس پر میری تصویر تھی۔ شاہد نے سائن کرتے ہوئے پوچھا کہ یہ کس کی ہیں میں نے کہا میری۔ پھر انھوں نے میری جانب دیکھا جیسے یقین نہیں آرہا ہو۔ اس کے بعد کہنے لگے کہ آپ سیدھے بالوں میں بالکل مختلف لگتی ہیں۔ مجھے اپنی اتنی بے عزتی کبھی محسوس نہیں ہوئی“

اس کے بعد شائستہ نے مزید بتایا کہ شاہد نے پروگرا ختم ہونے کے بعد دبئی میں ہی ہمیں ایک کلب میں دعوت دی لیکن میں نے انکار کردیا۔