اگر آپ کو اسکن فنگس کا سامنا ہے تو چند ٹپس کے استعمال سے کریں اس کا مکمل خاتمہ اور پائیں صاف جلد

اگر آپ کو جلد کے فنگس کا سامنا ہے تو کے فوڈز آپ کی اس تکلیف کو اچھی طرح سمجھ سکتا ہے کیونکہ اسکن فنگس ایک ایسا مسئلہ ہے جو جلد کو خراب کرنے کے ساتھ ساتھ آپ کو خارش اور جلن بھی دیتا ہے جس کو برداشت کرنا کافی مشکل ہے۔

آپ کی اس ہی تکلیف کو سمجھتے ہوئے آج کے فوڈز آپ کے لئے لایا ہے اسکن فنگس کا ایسا گھریلو علاج کہ چند ٹپس آزما کر آپ پا سکیں گے اس مسئلے سے ہمیشہ کے لئے چھٹکارہ وہ بھی بنا ہزاروں روپے خرچ کیے۔

اسکن فنگس سے نجات کے چند گھریلو ٹوٹکے

نہانا دھونا

اگر آپ اسکن فنگس سے نجات چاہتے ہیں تو سب سے پہلے ضروری ہے کہ آپ کی جلد صاف ستھری رہے، اس کے لئے آپ کو زیادہ سے زیادہ نہانا دھونا ہوگا کیونکہ آپ جب گھنٹوں کام کرتے ہیں تو آپ کو پسینہ آتا ہے اور یہی اسکن فنگس کو مزید بڑھانے کی وجہ بنتا ہے، اس لئے ضروری ہے کہ کام کرنے سے پہلے نہائیں اور کام پر سے واپس آنے یا خواتین جو گھر میں کام کرتی ہیں وہ گھر کے مکمل کام ختم کرنے کے بعد لازمی نہائیں اور بار بار ہاتھ منہ بھی دھوئیں ساتھ ہی کپڑے بھی ضرور بدلیں۔

سیب کا سرکہ

آپ نے سیب کے سرکے کے بہت سے فوائد کے بارے میں تو سنا ہی ہو گا، مگر اس کا ایک اہم فائدہ یہ بھی ہے کہ یہ اسکن فنگس کو روکنے کے لئے مددگار ثابت ہوتا ہے، کیونکہ اس میں اینٹی بیکٹیریل اور اینٹی فنگل پراپرٹیز شامل ہوتی ہیں، اس کے لئے سیب کے سرکے میں ایک روئی کا ٹکڑا بھگو کر اس سے فنگس وای جگہ صاف کریں اور دس منٹ بعد دھو لیں، دن میں دو مرتبہ ایسا کرنے سے آپ کو کچھ ہی دنوں میں جلد کے اس فنگس سے نجات مل جائے گی۔

ٹی ٹری آئل

ٹی ٹری آئل ایک ایسا اینٹی فنگل آئل ہے تو آپ کی جلد کے لئے بہت بہترین ہے، ٹی ٹری آئل کے چند قطروں کے ساتھ زیتون کے تیل کے چند قطرے مکس کریں اس مکس تیل کو 10 منٹ تک فنگس والی جلد پر لگا چھوڑ دیں اور پھر دھو لیں۔

لہسن کا پیسٹ

لہسن کئی قسم کے مسائل کا آسان حل ہے، لہسن کو پیس کر اس میں چند قطرے زیتون کا تیل ملائیں اور گاڑھا سا پیسٹ بنا لیں دن میں دو مرتبہ اس پیسٹ کو فنگس والی جگہ پر لگا لیں جڑ سے اس فنگس کا خاتمہ ہو جائے گا۔

By sadia    |    In Tips and Totkay   |    0 Comments    |    24661 Views    |    25 Aug 2021

Related Articles

Comments/Ask Question

Read Blog about اگر آپ کو اسکن فنگس کا سامنا ہے تو چند ٹپس کے استعمال سے کریں اس کا مکمل خاتمہ اور پائیں صاف جلد and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (اگر آپ کو اسکن فنگس کا سامنا ہے تو چند ٹپس کے استعمال سے کریں اس کا مکمل خاتمہ اور پائیں صاف جلد) and how to utilize other natural ingredients to cure diseases, easy recipes, and other information related to food from KFoods.