پپیتے کے پتوں کے رس سے کون کون سے بیماریوں کا علاج ممکن ہے؟ جانیئے اس کے حیرت انگیز فوائد بنانے کا طریقہ اور صحیح طریقہ استعمال

پپیتا بے حد پسند کئے جانے والے پھلوں میں سے ایک ہے، یہ پھل غذائی اجزاء سے بھرپور ہوتا ہے اور اس پھل کے ساتھ ساتھ اس کے پتوں کا بھی مختلف ادویات اور گھریلو علاج میں استعمال جاتا ہے۔
آج ہم آپ کو پپیتے کے پتوں کے فوائد اسے بنانے اور استعمال کرنے کا صحیح طریقہ بتانے والے ہیں تاکہ آپ بھی اسے استعمال کر کے کئی قسم کی بیماریوں سے خود کو بچا سکیں۔

پپیتے کے پتوں کے فوائد

پپیتے کے پتے کا رس جسم میں پلیٹلیٹس کی تعداد بڑھانے کے لیے استعمال ہونے والا انتہائی دیسی علاج ہے، پپیتے کے پتے ایسے انزائمز سے بھرپور ہوتے ہیں جو نظامِ ہاضمہ بہتر بنانے اور دوست، بیچس جیسے ہاضمے کے مسائل کو دور کرتے ہیں، یہ سر سے خشکی کا خاتمہ کرنے کے لئے بھی استعمال کیا جاتا ہے۔
پپیتے کے پتوں میں وٹامن اے، سی، ای، کے اور بی کی بڑی مقدار ہوتی ہے، پپیتے کے پتوں کا قہوہ بنا کر استعمال کیا جاتا ہے، اس کا جوس بنایا جاتا ہے اس کا عرق پیا جاتا ہے اور اس کی گولیاں بھی بنائیں جاتی ہیں جن سے مختلف امراض کا علاج کیا جاتا ہے۔

پپیتے کے پتوں سے کون سی بیماریوں کا علاج ممکن ہے؟

ڈینگی کا علاج

پپیتے کے پتوں کو عام طور پر سب سے زیادہ ڈینگی بخار سے لڑنے اور اس سے نجات حاصل کرنے کے لئے استعمال کیا جاتا ہے اس کے پتوں سے تیز بخار فوری کم ہوتا ہے اور اس کے مضر اثرات دور ہوتے ہیں، ڈینگی کی وجہ سے خون میں پلیٹلیٹس بہت کم ہو جاتے ہیں اور پپیتے کے پتوں میں قدرتی طور پر پلیٹلیٹس کو بڑھانے کی خصوصیت موجود ہوتی ہے اس لئے اس سے ڈینگی کا علاج کیا جاتا ہے۔

ذیابطیس کا علاج

ذیابطیس کے مریضوں کے لئے پپیتے کے جوس اور اس کے عرق کا استعمال بےحد مفید ہے کیونکہ یہ خون میں موجود بلڈ شوگر لیول کو کم کرتے ہیں اس لئے اگر شوگر کے مریض اس کا استعمال کریں تو ان کی شوگر متوازن رہ سکتی ہے۔

ہاضمے کے مسائل کا علاج

پپیتے کے پتوں کا قہوہ بنا کر پینے سے ہاضمے کے پیٹ درد، گیس، متلی، اور سینے کی جلن جیسے مسائل دور ہوتے ہیں، یہ کھانے کے غذائی اجزاء کو صحیح طرح گھلنے اور ان کی کارکردگی بہتر بنانے میں مدد دیتی ہے اس کی چائے سے قبض، معدے کے مسائل اور چڑچڑاپن پیدا کرنے والے آنتوں کے سنڈروم کو کم کرتی ہے۔

سوزش کا علاج

پپیتے کے پتوں کا عرق پینے سے جسم میں کسی بھی حصے پر موجود سوزش دور ہوتی ہے، یہ مسلز کو آرام پہنچا کر اس کی سوزش کو دور کرتا ہے اس کے استعمال سے جوڑوں کا علاج بھی ممکن ہے۔

بالوں اور جلد کے مسائل کا علاج

پپیتے کے پتوں کو صرف بخار وغیرہ سے نجات کے لئے نہیں بلکہ خوبصورتی میں اضافے کے لئے بھی استعمال کیا جاتا ہے جیسے اس کے پتے براہِ راست چبانے اور ان کا جوس بنا کر پینے سے چہرے سے داغ دھبے دانے دور ہوتے ہیں جلد نرم و ملائم ہو جاتی ہے اور رنگت نکھر جاتی ہے اس کے علاوہ اس سے بالوں کے مسائل بھی دور ہوتے ہیں اور یہ بالوں کو لمبا اور گھنا بنانے میں مدد کرتے ہیں۔

By Sadia    |    In Health and Fitness   |    0 Comments    |    2678 Views    |    16 Aug 2021

Related Articles

Comments/Ask Question

Read Blog about پپیتے کے پتوں کے رس سے کون کون سے بیماریوں کا علاج ممکن ہے؟ جانیئے اس کے حیرت انگیز فوائد بنانے کا طریقہ اور صحیح طریقہ استعمال and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (پپیتے کے پتوں کے رس سے کون کون سے بیماریوں کا علاج ممکن ہے؟ جانیئے اس کے حیرت انگیز فوائد بنانے کا طریقہ اور صحیح طریقہ استعمال) and how to utilize other natural ingredients to cure diseases, easy recipes, and other information related to food from KFoods.