بجلی مہنگی ہوگئی کیا کریں کہ کپڑے بھی استری ہوجائیں اور بجلی کا بل بھی کم آئے۔۔ جانیے آسان اور منفرد طریقہ

دن بدن بجلی مہنگی ہوتی چلی جارہی ہے، ایسے میں بجلی کے اپلائنسس استعمال کرنے سے پہلے کئی دفعہ سوچنا پڑتا ہے کہ کیا اسے استعمال کیا جائے یا نہ کیا جائے۔ لیکن کپڑے استری کرنا ایسا کام ہے جو ہر گھر میں تقریباً روز ہی ہوتا ہے اور اس کا بل بھی ٹھیک ٹھاک بھاری بھرکم آتا ہے۔ لیکن یہاں ہم آپ کو بجلی کی بچت کی ایسی ترکیب بتائیں گے کہ آپ کے کپڑے بھی استری ہوجائیں گے اور بل بھی نہیں آئے گا۔ اس کے لئے ہم آپ کے سامنے کچھ ٹپس پیش کر رہے ہیں آپ کو جو بہتر لگے آپ اسے اپنے استعمال میں لاکر اپنی بجلی بچائیے۔
>
1۔ کپڑے دھونے کے بعد جھٹک کر ہینگر پر لٹکائیے۔ اس سے کپڑوں پر شکنیں نہیں پڑیں گی اور کپڑوں پراستری کرنے کی ضرورت نہیں پڑے گی۔

2۔ اگر آپ کو کہیں جانے کی جلدی ہے۔ اور استری کرنے کا ٹائم نہیں ہے تو جن کپڑوں پر استری کرنا ہے تو ان کو اسپرے سے گیلا کرلیں اور پھر ہئیرڈرائیر سے ڈرائی کر لیں اس کی ہیٹ سے کپڑے استری ہوجائیں گے۔

3۔ اگر جلدی میں ہیں اور کپڑوں پر سامنے سامنے سے استری کرنی ہے تو بالوں کی آئرن راڈ کو آستینوں پر اور سامنے کے حصے پر پھیر لیں۔ کپڑے سیدھے ہوجائیں گے۔

4۔ اگر آپ استری استعمال نہں کرنا چاہ رہے اور کپڑے استری کرنا ہے تو ایک اسپرے بوتل میں ایک گلاس پانی لیں اور اس میں فیبرک سوفٹنر ایک کھانے کا چمچ ڈال کر اچھی طرح ہلا کر مکس کر لیں۔ اب اس مکسچر کو کپڑوں پر اچھی طرح اسپرے کریں اورکپڑے کو ایک دفعہ پکڑ کر کھینچ دیں اس کے بعد اس کو ہینگر پر لٹکا دیں، جیسے جیسے کپڑے سوکھتے جائیں گے کپڑے سیدھے ہوجائیں گے جیسے کہ استری کیے ہوئے ہوں۔

5۔ کپڑوں کو استری کرنے کے لئے ایک اچھی ٹپ یہ بھی ہے کہ ایک اسٹیل کا ہینڈل والا پین لے لیں۔ اس پر المونیم فوائل چڑھا لیں، اس کو چولہے پر 35 سے 40 سیکنڈ تک گرم کریں۔ اور پھر اس پین کو کپڑے پر پھیریں ، کپڑے بہترین قسم کے استری ہوجائیں گے، اور دیکھنے والوں کو پتہ بھی نہیں لگے گا کہ استری نہیں کی گئی ہے۔