ڈینگی، ملیریا میں تیزی سے گرتے ہوئے پلیٹلیٹس دوبارہ کیسے بڑھائیں؟ جانیں پپیتے کے پتوں سے علاج کا آسان طریقہ

Papaya Leaves Benefits For Dengue And Malaria

پپیتا نہ صرف ایک مزیدار پھل ہے بلکہ اس کے پتے بھی طبِ دیسی میں سونے کی حیثیت رکھتے ہیں۔ خاص طور پر ڈینگی اور ملیریا جیسی بیماریوں میں پپیتے کے پتوں کا استعمال حیرت انگیز نتائج دیتا ہے۔

ڈینگی اور ملیریا سے بچاؤ کا قدرتی علاج:

ڈینگی میں فائدہ:

ڈینگی بخار میں خون کے پلیٹلیٹس خطرناک حد تک کم ہو جاتے ہیں، جس سے جسم کمزور اور بخار شدت اختیار کر لیتا ہے۔

پپیتے کے پتوں میں موجود قدرتی اجزاء پلیٹلیٹس کی پیداوار تیزی سے بڑھاتے ہیں، بخار کم کرتے ہیں اور جسم کو بیماری سے لڑنے کی طاقت دیتے ہیں۔ یہی وجہ ہے کہ ماہرین ڈینگی کے دوران پپیتے کے پتوں کا رس یا قہوہ پینے کا مشورہ دیتے ہیں۔

ملیریا میں فائدہ:

ملیریا میں بار بار بخار آنا، کپکپی، اور جسمانی درد عام علامات ہیں۔ پپیتے کے پتوں میں موجود اینٹی ملیریل خصوصیات جسم میں موجود زہریلے مادے خارج کر کے بخار اور کمزوری کو کم کرتے ہیں۔

اس کے پتے جگر کی کارکردگی بہتر بناتے ہیں اور خون کو صاف کر کے جسم کی قوتِ مدافعت بڑھاتے ہیں۔

استعمال کا طریقہ:

پپیتے کے چند تازہ پتے دھو کر انہیں بلینڈر میں پیس لیں اور ان کا رس چھان لیں۔ دن میں دو بار ایک چمچ یہ عرق پینے سے پلیٹلیٹس میں اضافہ اور جسمانی بہتری ظاہر ہونے لگتی ہے۔

آپ چاہیں تو اس کا قہوہ بھی بنا کر پی سکتے ہیں، جو ڈینگی اور ملیریا دونوں کے لیے مؤثر ہے۔