جو لوگ کہتے ہیں کہ اتنی سرجریاں کروالی انہیں ۔۔ ندا یاسر نے آنٹی کہنے والے ناقدین کو کیا جواب دیا؟ دیکھئے ویڈیو

پاکستان شوبز انڈسٹری اداکار اور مقبول ترین میزبان ندا یاسر آئے روز خبروں کی زینت بنی رہتی ہیں۔ اب ان کے حوالے سے ایک اور موضوع سوشل میڈیا پر زیر بحث ہے۔

ندا یاسر نے بڑھتی عمر کی وجہ سے آنٹی کہنے والوں کو بھرپور جواب دیا ہے۔ معروف اداکارہ و میزبان شائستہ لودھی کے پوڈکاسٹ میں گفتگو کرتے ہوئے ندا یاسر نے کہا کہ میں تو اپنی اس عمر کو بہت انجوائے کررہی ہوں جس کی وجہ یہ ہے کہ ہم نے زندگی میں بہت محنت کی ہے، میں نے 19 سال کی عمر میں کام شروع کیا، جب ہم کم عمر تھے جب تو اپنی دنیا بنانے کے لیے قطرہ قطرہ جمع کررہے تھے، ہر طرف سے پیسہ بچاتے تھے کہ گھر بنانا ہے، گاڑی خریدنی ہے۔

ندا یاسر کا کہنا تھا کہ جو لوگ کہتے ہیں کہ اتنی سرجریاں کروالی وغیرہ، ہم نے اب خود کو وقت دینا شروع کیا ہے، خود پر توجہ دے رہے ہیں، اب ہمیں سمجھ آیا کہ اسکرین پر کیسے کپڑے پہننے اور کیسا میک اپ کرنا چاہیے۔

ندا نے کہا مجھے آج کل لال رنگ بہت پسند آرہا ہے اور میں پہن رہی ہوں، میری امی بھی ایسی تھیں، شروع میں وہ بھی منہ دھو کر بس اسکرین پر چلی جایا کرتی تھیں لیکن جب ان کی عمر زیادہ ہوئی تب انہوں نے کہا کہ اب وقت ہے کہ خود پر توجہ دی جائے، انہوں نے بھی اورنج، لال رنگ کے کپڑے پہنے، میری بھی وہ ہی ذہنیت ہے۔