مشرقی تہذیب کی سوغات بیسن کی روٹی شوگر اور موٹاپے کے ساتھ ساتھ کن طبی فوائد کی حامل ہوسکتی ہے جانیں

بیسن چنوں کو پیس کر بنایا جاتا ہے اور اس کے اندر وہ تمام اجزا موجود ہوتے ہیں جو کہ چنوں کے اندر موجود ہوتے ہیں- اس حوالے سے یہ آئرن ، میگنیشیم زنک کیلشیم اور وٹامن بی کے ساتھ ساتھ فائبر سے بھرپور غذا ہے جو کہ صحت کے بہت سارے مسائل کے لیے بہترین ہے- بیسن کی روٹی اور چٹنی ہمارے مشرقی معاشرے کی وہ سوغات ہے جس کا استعمال وقت کے ساتھ ساتھ کم ہوتا جا رہا ہے لیکن اس کا استعمال کن کن فوائد کا سبب ہو سکتا ہے آج ہم آپ کو اس حوالے سے بتائيں گے-

1: وزن کم کرنے میں مددگار

بیسن کی روٹی میں گندم کے مقابلے میں بہت کم کیلوریز پائی جاتی ہیں جو لوگ وزں کم کرنے کے خواہشمند ہوتے ہیں ان کو چاہیے کہ وہ گندم کے بجائے بیسن کی روٹی کا استعمال کریں اس سے ایک جانب تو پیٹ بھر جاتا ہے اور دوسری جانب اس سے وزن بھی کم ہوتا ہے-

2: خون کی کمی کو دور کرتی ہے

بیسن میں آئرن اور دیگر معدنیات کی بڑی مقدار موجود ہوتی ہے جو ان افراد کے لیے بہت مفید ہوتی ہے جو کہ خون کی کمی کا شکار ہوتے ہیں- ایسے افراد دن میں دو وقت بیسن کی روٹی کھائيں اس سے نہ صرف ان کے جسم میں سے خون کی کمی دور ہو گی بلکہ نئے خون کے بننے میں بھی مدد ملے گی-

3: ہائی بلڈ پریشر کو کنٹرول کرتی ہے

بیسن کی روٹی میں میگنیشیم کی بڑی مقدار موجود ہوتی ہے جو کہ ہائی بلڈ پریشر کو کم کرنے میں بہت مددگار ثابت ہوتا ہے- بلڈ پریشر کے مریض صبح ناشتے میں بیسن کی روٹی کھالیں اس سے سارا دن ان کا بلڈ پریشر کنٹرول میں رہ سکتا ہے-

4: ذیابطیس کے مریضوں کے لیے

بیسن کی روٹی شوگر کے مریضوں کے لیے تین طرح سے فائدہ مند ثابت ہو سکتی ہے ایک تو اس کو کھانے سے خون میں شوگر کی مقدار میں اضافہ نہیں ہوتا ہے- دوسرا اس کے استعمال سے لبلبہ کو طاقت ملتی ہے جس سے خون کے اندر شوگر کی مقدار میں کمی واقع ہوتی ہے اور تیسرا یہ طاقت اور توانائی سے بھرپور ہوتی ہے- اس وجہ سے شوگر کے مریض جو ہر وقت کمزوری اورتھکن کا شکار رہتے ہیں اس روٹی کے استعمال سے طاقت محسوس کرتے ہیں-

5: دل کے لیے مفید

بیسن کی روٹی میں یہ خصوصیت موجود ہوتی ہے کہ یہ خون میں سے نقصاندہ کولیسٹرول کو سکھا دیتی ہے جس کے سبب خون میں کولیسٹرول کے لیول میں کمی واقع ہوتی ہے جس سے دل کے دورے کے خطرات کم ہوتے ہیں اور دل صحت مند رہتا ہے-
بشکریہ:ہماری ویب

By Aqib Shahzad    |    In Tips and Totkay   |    0 Comments    |    275 Views    |    06 Dec 2021

Comments/Ask Question

Read Blog about مشرقی تہذیب کی سوغات بیسن کی روٹی شوگر اور موٹاپے کے ساتھ ساتھ کن طبی فوائد کی حامل ہوسکتی ہے جانیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (مشرقی تہذیب کی سوغات بیسن کی روٹی شوگر اور موٹاپے کے ساتھ ساتھ کن طبی فوائد کی حامل ہوسکتی ہے جانیں) and how to utilize other natural ingredients to cure diseases, easy recipes, and other information related to food from KFoods.