آم کی گٹھلی موٹاپا کم کرنے کیلئے نہایت مفید، جانیے کیسے؟

آم پھلوں کا بادشاہ ہے اور ہمارے یہاں سب ہی اس پھل کے بے حد شوقین ہیں مگر ہم سب ہی عام طور پر ایک غلطی کرتے ہیں وہ یہ ہے کہ ہم آم کھا کر اس کی گھٹلی پھینک دیتے ہیں اگر آپ جان جائیں کہ یہ گھٹلی آپ کے کس قدر کام آ سکتی ہے تو آپ اسے کبھی پھینکنے کی غلطی نہیں کریں گے۔
جی ہاں! آم کی یہ گھٹلی آپ کے لئے بہت فائدے مند ہے اور آپ اس سے اپنا موٹاپا حیرت انگیز طور پر کم کر سکتے ہیں، آم کی گھٹلی کے استعمال سے آپ جسمانی وزن میں کمی ممکن بنا سکتے ہیں اور یہ کیسے ہوگا یہ ہم آپ کو بتائیں گے۔

جسمانی وزن میں کمی کے لئے آم کی گھٹلی کا استعمال

موٹاپا ایک ایسی بیماری ہے جس سے نجات حاصل کرنا آسان کام نہیں لیکن اگر آپ آم کی گھٹلی کا استعمال کریں تو اس سے بہت تیزی سے وزن کم کر سکتے ہیں اس کے لئے آپ کو ڈاکٹر بلقیس کا بتایا ہوا گھریلو نسخہ اپنا کر آم کی گھٹلی کا بتائے گئے طریقے سے استعمال کرنا ہوگا۔

آم کی گٹھلی سے وزن کم کرنے کا طریقہ

اجزاء
مینگو سیڈ آئل یعنی آم کے بیجوں کا تیل
جامن کی گٹھلی کے بیج کا پاؤڈر
سونف
سونٹھ کا پاؤڈر
سوکھا پودینہ پہاڑی

ترکیب

• دو چمچ مینگو سیڈ آئل یعنی آم کے بیجوں کا تیل لیں، اگر وہ نہ میسر ہو تو آم کی گٹھلی سے گری نکال کر سکھانے کے بعد اس کے چھوٹے چھوٹے ٹکڑے کر لیں۔
• اس کے بعد ایک چمچ جامن کی گٹھلی کے بیج کا پاؤڈر شامل کر لیں۔
• اس کے علاوہ دو عدد چمچ سونف، سونٹھ کا پاؤڈر یعنی سوکھی ہوئی ادرک کا ایک چمچ اور پودینے کا پاؤڈر دو چمچ ڈال لیں یا پھر پودینے کے پتے سکھا کر استعمال کریں۔
• اب ان تمام اشیاء کو ملا کر گرینڈر میں اچھی طرح پیس لیں کہ وہ پاؤڈر کی شکل اختیار کر لے۔
• اب اس سفوف کو ہر کھانے کے بعد پھکی کی طرح پانی کے ساتھ باقاعدہ استعمال کریں۔
• ڈاکٹر بلقیس کے مطابق یہ سفوف موٹاپے میں تیزی سے کمی لانے کیلئے فائدہ مند ہے، یہ پاؤڈر ہر کھانے کے بعد ایک چمچ دن میں تین بار پانی میں گھول کر یا پانی کے ساتھ استعمال کریں اور پھر دیکھیں اس کا کمال۔