ہیروں کا ہار، لاکھوں کا ٹکٹ اور کھانا باسی ۔۔ میٹ گالا میں پریانکا چوپڑا نے اتنا مہنگا ہار کیوں پہنا اور اس ایونٹ کے کھانے میں مہمانوں کو کیا کھلایا گیا؟

فیشن کی دنیا کا رنگا رنگ میلا میٹ گالا جس میں شرکت کرنا ہر اداکارہ کا سب سے بڑا خواب ہوتا ہے۔ ہر سال کی طرح اس سال بھی میٹ گالا 2023 نیویارک میں منعقد کیا گیا ہے جس میں دنیا بھر کی اداکاراؤںکے ساتھ بھارتی اداکاراؤں نے بھی شرکت کی۔ بھارتی اداکاراؤں میں اداکارہ پریانکا چوپڑا اپنے شوہر گلوکار نک جونس کے ساتھ سب سے منفرد اور اسٹائلش بلیک اینڈ وائٹ آؤٹ فٹ میں جلوہ گر ہوئیں۔ ہر آنکھ پریانکا پر ٹہر گئی۔ جہاں ہر کوئی ان کی خوبصورتی سے متاثر ہوتا ہے وہیں اس مرتبہ پریانکا نے مہنگا ترین ہار پہن کر سب کی توجہ حاصل کرلی۔

پریانکا کے ہار کی جہاں دنیا بھر میں دھوم مچی وہیں لوگوں نے اس کی تفصیلات دیکھ کر سر پکڑ لیا۔ آپ کو بتاتے چلیں کہ پریانکا کا یہ سفید ہار 204 کروڑ بھارتی روپے ہے۔ یعنی پاکستانی 7 ارب 40 کروڑ 3 لاکھ 4 ہزار 518 روپے سے بھی زائد ہے۔

بھارتی میڈیا کے مطابق پریانکا کا یہ ہار مشہور اطالوی کمپنی بلگاری کا تیار کردہ ہے جسے 11.6 قیراط ڈائمنڈ سے تیار کیا گیا تھا۔ یہ اس قدر بیش قیمتی ہے کہ اب اس کو میٹ گالا تقریب کے بعد نیلامی کیلئے بھی پیش کیا جائے گا۔

41 لاکھ کا ٹکٹ اور کھانا؟

میٹ گالا کا ٹکٹ 41 لاکھ روپے کا تھا لیکن اس اتنے بڑے ایونٹ میں کھانا ایسا پیش کیا گیا کہ لوگ دیکھ کر حیران رہ گئے ایسے سلاد اور گھاس پوس تو ہم لوگ کسی مہمان کو بھی پیش نہ کریں جس طرح اس ایونٹ میں کھلایا گیا۔