ذہنی مسائل کا شکار تھی۔۔ بیٹی کو بھارت نہیں بھیج سکتی۔۔ میرا کی والدہ نے بیٹی کے حوالے سےکیا انکشافات کردیے؟

“میں ذہنی مسائل کا شکار رہی ہوں، سب ہی ہوتے ہیں لیکن امریکا میں پاگل خانے بھیجنے والی باتوں میں کوئی سچائی نہیں ہے“

یہ کہنا ہے معروف اداکارہ میرا جی کا جنھوں نے ’سنو نیوز‘ کے انٹرویو میں اپنی والدہ کے ساتھ شرکت کی اور نجی اور پروفیشنل لائف کے حوالے سے بات چیت کی۔ میرا کی والدہ کا کہنا تھا کہ ان کی بیٹی کو بھارت سے کئی فلموں کی آفرز ہوئی ہیں لیکن وہ اکیلے بیٹی کو وہاں نہیں بھیج سکتیں اور خود جا نہیں سکتیں یہی وجہ ہے کہ میرا نے بھارت میں فلمیں نہیں کیں۔

اس حوالے سے میرا کا کہنا تھا کہ انھیں “جب تک ہے جان“ میں کام کرنے کی پیشکش ہوئی تھی اس وقت یش چوپڑا زندہ تھے۔ بعد میں یہ فلم کترینہ اور انوشکا نے کی تھی جبکہ فلم کے ہیرو شاہ رخ خان تھے۔

کام کے معاوضے کے حوالے سے میرا نے بتایا کہ وہ پیسے تو نہیں بتائیں گی البتہ ان کا معاوضہ بہت زیادہ ہے۔ وہ ڈیڑھ سو سے زائد فلموں میں کام کرچکی ہیں اور جو لوگ ان کا مذاق اڑا کر یا نقل کر کے پیسے کماتے ہیں وہ اس بات کے لئے اللہ کی شکر گزار ہیں جس نے انھیں یہ رتبہ دیا کہ لوگ ان کی نقل کریں۔