لگتا تھا کوئی آس پاس ہے اور.. مریم نفیس نے جنات کو کس شکل میں دیکھا؟چونکا دینے والا انکشاف

Mariyam Nafees Shares Ghost Experience

خوبصورت چہرہ، نرم لہجہ اور معصوم مسکراہٹ رکھنے والی اداکارہ مریم نفیس نے ایک ایسا حیران کن واقعہ بیان کر دیا جس نے مداحوں کو چونکا کر رکھ دیا۔

جیو نیوز کے مزاح سے بھرپور پروگرام ہنسنا منع ہےمیں جب میزبان نے ان سے زندگی کے پراسرار لمحات پر سوال کیا، تو انہوں نے بےجھجک بتا دیا کہ؛

"ہاں! مجھے ماضی میں جنات نظر آئے ہیں۔"

مریم نے بتایا کہ کچھ برس پہلے اُن پر ایک ایسا وقت آیا جب تین سے چار مرتبہ انہیں دھواں، سائے اور عجیب سی غیر مرئی مخلوق نظر آئی۔ وہ بولیں، ایسا لگتا تھا جیسے کوئی میرے اردگرد ہے، جیسے کوئی دیکھ رہا ہو، پر نظر نہیں آتا۔

اسی دوران مریم نے ہنستے ہوئے کہا، تب شاید جنات نے بھی کہا ہوگا کہ ہم اپنی قسم کی لڑکی سے مل کے آئے ہیں۔

مگر پھر انہوں نے اعتراف کیا کہ وہ وقت ذہنی طور پر بہت ڈرا دینے والا تھا۔ کئی مہینے ایسا لگا جیسے کوئی سایہ ساتھ ساتھ ہے، اور آج بھی اگر ان کے شوہر امان اچانک سامنے آ جائیں تو وہ گھبرا جاتی ہیں۔

کبھی کبھی حسین چہروں کے پیچھے چھپے ہوتے ہیں وہ قصے، جو نیندیں اُڑا دیتے ہیں۔ یہ اعتراف جہاں حیرت بھرا تھا، وہیں مریم کی بےباکی نے ایک بار پھر ثابت کر دیا کہ ڈرامے کی دنیا ہو یا زندگی کی حقیقت، مریم نفیس ہر روپ میں سچی، دلچسپ اور دلیر ہیں۔