اکثر مردوں کا پیٹ شادی کے بعد باہر کیوں آجاتا ہے؟ جانیے اس کی 3 اہم وجوہات جو بہت کم لوگ جانتے ہیں

شادی شدہ مردوں کے پیٹ کا باہر آجانا عام سی بات ہے اور اب تشویشناک بات یہ ہے کہ شادی سے قبل ہی مردوں اور نوجوانوں کے پیٹ باہر آنا شروع ہوگئے ہیں۔
آخر اس کی کیا وجوہات ہوسکتی ہیں اس حوالے سے آج ہم جانیں گے۔
ایک تحقیق کے مطابق بڑی کمر یا بڑا پیٹ انسان کے لیے خطرے کا عنصر ہوسکتا ہے کیونکہ اس سے دل کی بیماری کا خطرہ ہوتا ہے۔
یہ بالکل واضح طور پر نہیں کہا گیا کہ مردوں کا پیٹ باہر کیوں آجاتا ہے لیکن تحقیق سے پتہ چلتا ہے کہ انتڑیوں کی چربی جسم میں ہارمونل افعال کو متاثر کرتی ہے۔
ہیلتھ لائن ویب سائٹ کے مطابق ڈیاسٹاسس ریکٹی اس وقت ہوتی ہے جب آپ اپنے پیٹ کے پٹھوں پر بہت زیادہ دباؤ ڈالتے ہیں۔ یہ ان کو کھینچنے اور الگ کرنے کا سبب بن سکتا ہے۔
اس کے علاوہ مردوں بالخصوص آج کے نوجوانوں کے پیٹ باہر آنے کی وجوہات آج ہم آپ کو بتائیں گے۔

1-نیند پوری نہ ہونا

نیند کی کمی وزن میں اضافے کا سبب بنتی ہے اور اس سے پیٹ کی چربی بھی بڑھ سکتی ہے۔ مختصر نیند کھانے کی مقدار میں اضافے سے منسلک ہے، جو پیٹ کی چربی کو بڑھانے میں کردار ادا کرتی ہے۔

2- ورزش سے جی چرانا

آج کے نوجوان موبائل استعمال کرنے میں وقت گزار دیتے ہیں اور اپنی فٹنس پر توجہ نہیں دیتے۔ نتیجہ یہ سامنے آتا ہے کہ بیٹھے رہنے سے پیٹ باہر آجاتا ہے۔ کوشش کریں ورزش کرنے کو اپنی زندگی کا لازمی حصہ بنائیں۔

3- سگریٹ نوشی

آج کل کے مرد و نوجوان میں سکریٹ نوشی عام ہوچکی ہے جس کے کئی نقصانات پائے جاتے ہیں۔ محققین کے مطابق وہ سگریٹ نوشی کو پیٹ کی چربی کی براہ راست وجہ نہیں سمجھتے ، لیکن وہ یقین رکھتے ہیں کہ یہ ایک خطرے کا عنصر ہے۔