مکھانوں کو فوکس نٹس یا پھر لوٹس سیڈز بھی کہا جاتا ہے مکھانا کنول کے پھول کا بیج ہے اس لیے پھول مکھانا کہلاتا ہے، مکھانے جسم میں پیدا ہونے والے بُرے کولیسٹرول سے نجات دلواتے ہیں، دل کو مضبوط اور صحت مند بناتے ہیں۔
مکھانے ضروری غذائیت کے حصول کا خزانہ ہیں مکھانوں کا روزانہ کی غذا میں استعمال ایک بہترین صحت مند ڈائیٹ ہے، آیئے مکھانے استعمال کرنے کے دیگر فوائد پر ایک نظر ڈالتے ہیں۔
پھول مکھانے کے حیرت انگیز فوائد
• وزن میں کمی
وزن کم کرنا آج کل ہر ایک کی خواہش ہے کیونکہ ہماری خراب طرزِ زندگی کی وجہ سے ہر دوسرے شخص کا وزن بڑھتا جا رہا اور ایک بڑی سطح پر لوگ موٹاپے کا شکار ہو رہے ہیں، پھول مکھانوں میں کیلوریز کی مقدار بہت کم ہوتی ہے، مکھانوں میں پروٹین کی وافر مقدار موجود ہوتی ہے جس کی وجہ سے اسے کھا کر پیٹ کافی دیر تک بھرا ہوا محسوس ہوتا ہے اور بھوک کم لگتی ہے۔
• کولیسٹرول
مکھانوں میں کولیسٹرول کی بےحد کم مقدار موجود ہوتی ہے اس میں فیٹ اور سوڈیم بھی بہت کم ہوتا ہے جو اسے ایک صحت بخش غذا بناتا ہے، یہی وجہ ہے کہ مکھانوں کے استعمال سے جسم میں کولیسٹرول بڑھنے کے بجائے کم ہوتا ہے۔
دل کی صحت
ہائی بلڈ پریشر کے مریضوں کے لئے مکھانوں کا استعمال بےحد مفید ہے مکھانوں میں میگنیشیم کی مقدار زیادہ جبکہ سوڈیم کی مقدار نہ ہونے کے برابر ہوتی ہے اس لئے مکھانوں کا استعمال دل کی صحت کے لئے بہترین ہے۔
• شوگر کے ریضوں کے لئے مفید
مکھانوں میں گلائمکس انڈکس بہت کم ہوتا ہے اس لئے شوگر کے مریض بھی بےفکر ہو کر مکھانے کھا سکتے ہیں، ماہرین صحت و غذا بھی شوگر کے مریضوں کو پھول مکھانے کے استعمال کا مشورہ دیتے ہیں۔
• اینٹی ایجنگ
آپ نے یہ سوچا بھی نہیں ہوگا کہ مکھانوں کا استعمال کر کے آپ دیرپا جوان بھی رہ سکتے ہیں، جی ہاں! مکھانے کھانے سے جلد جوان ہوتی ہے جھریاں اور جھائیاں نہیں آتی، اور یوں اس کے استعمال سے آپ کی جلد جوان رہتی ہے۔
• گلوٹن فری
مکھانے گلوٹن فری غذا ہیں جبکہ اس میں پروٹین اور کاربوہائیڈریٹ کی وافر مقدار موجود ہوتی ہے جو کہ انہیں وزن کم کرنے کے لئے ایک آئیڈیل غذا کا درجہ دیتے ہیں۔