مچھر اور مکھیاں سب دور... کڑوے ضرور مگر فائدے بھرپور، لیموں کے چھلکے جمع کریں اور بے شمار فائدے مفت پائيں

عام طور پر لیموں ہر گھر کے فریج میں موجود ہوتے ہیں اور کبھی ان کا استعمال لیموں پانی کا شربت بنانے کے لیے کیا جاتا ہے اور کبھی ان کا استعمال کھانوں کی لذت بنانے کے لیے ہوتا ہے۔ سلاد اور چٹنیوں کی شان لیموں وٹامن سی سے بھرپور غذا ہے اور اس کے فوائد تو ہم سب ہی جانتے ہیں-

لیموں کے چھلکوں کے استعمال کے لاجواب طریقے

عام طور پر انسان کا تعلق لیموں سے اس کے رس تک ہی ہوتا ہے اس کو کاٹ کر اس کا رس نکال کر استعمال کیا جاتا ہے اور اس کے استعمال کے بعد اس کے چھلکوں کو کچرے میں پھینک دیا جاتا ہے- لیکن آج ہم آپ کو لیموں کے چھلکوں کے ایسے حیرت انگیز فوائد بتائيں گے جن کے استعمال سے آپ نہ صرف بڑی بچت کر سکتے ہیں بلکہ بڑے فائدے بھی حاصل کر سکتے ہیں-

1: مچھر مکھیاں بھگانے کے لیے

عام طور پر گھر کے اندر مچھر مکھیوں کو بھگانے کے لیے جتنے بھی اقدامات کیے جائيں وہ اکثر ناکام ثابت ہوتے ہیں یا پھر ان کی وجہ سے ایک ناگوار سی بو گھر کا حصہ بن جاتی ہے- اس کے لیے لیموں کے چھلکے جمع کر لیا کریں اور ان کو دھوپ میں اس حد تک سکھا دیں کہ وہ بالکل کڑک ہو جائيں اس کے بعد ان ٹکڑوں سے آگ جلائيں اور اس سے گھر میں دھونی دیں- اس سے ایک جانب تو مچھر مکھیاں بھاگ جائيں گے بلکہ اس سے گھر کے اندر خوشبو دار مہک بھی رچ جائے گی-

2: کھانوں کی لذت بڑھائے

مختلف کھانوں کے اندر لیموں یا دیگر اسی کے قبیلے کے دوسرے جوس والے پھلوں کے استعمال سے بھی اس کی لذت میں اضافہ کیا جا سکتا ہے- اس کے لیے لیموں کے چھلکے کو بالکل باریک باریک کاٹ کر اس کو چینی کے قوام میں ایک دو دن تک بھگو کر رکھ دیں اور اس کے بعد اس کو کیک اور کابلی پلاؤ پر گارنشنگ کر کے استعمال کیا جا سکتا ہے-

3: گھر کے ماحول کو خوشبو دار بنانے کے لیے

عام طور پر روم اسپرے کرنا ایک مہنگا عمل ہے جب کہ اس کے مقابلے میں لیموں کے چھلکوں سے گھر کے اندر کی خوشبو کو بہتر بنانا ایک سستا نسخہ ہے- اس کو استعمال کرنے کے لیے لیموں کے چھلکے اور سبز الائچی کو کسی بھی کھلے منہ کے برتن میں بھگو کر رکھ دیں اس سے پھیلنے والی خوشبو نہ صرف ماحول کو خوشبو دار بناتے ہیں بلکہ تازگی کا احساس بھی دلاتے ہیں-

4: داغ دھبے دور کرنے کے لیے

جیسا کہ لیموں تیزابی خصوصیات کا حامل ہوتا ہے اس وجہ سے اکثر افراد اس کا استعمال رنگ کاٹ کے طور پر بھی کرتے ہیں- عام طور پر کپڑے دھونے کے دوران کسی چیز کا داغ نہ اتر سکنے پر اس پر لیموں کو ملنے کا مشورہ دیا جاتا ہے- عام طور پر بھی کسی بھی جگہ پر سے کسی قسم کے داغ دھبے دور کرنے کے لیے کچھ لیموں کے چھلکے ایک پیالی سرکہ میں بھگو کر رکھ دیں اور اسکے بعد اس آمیزے کو چھان کر کسی اسپرے والی بوتل میں ڈال دیں ۔ کسی بھی جگہ پر داغ دھبوں کی صورت میں تھوڑی مقدار میں اسپرے کریں اور اس کے بعد داغ کو صاف کر لیں-

5: خوبصورتی بڑھانے کے لیے

چہرے کی رنگت اور جلد کی حفاظت کے لیے لیموں کے چھلکے بہترین ہوتے ہیں اس کے لیے گھر پر ہی اسکرب بنا کر چہرے کی صفائی کے لیے اس کا استعمال کیا جا سکتا ہے- اسکرب بنانے کے لیے اس کے لیے چینی کو پیس کر زيتون کے تیل میں شامل کریں اور لیموں کے چھلکوں کو خشک کرنے کے بعد اس کا پاؤڈر بنا کر اس کو بھی تھوڑی مقدار میں زیتون کے تیل اور چینی کے آمیزے میں شامل کر لیں جو کہ ایک کریم کی شکل اختیار کر لے اس کے بعد جلد کو گیلا کر کے اس کو اسکرب کریں اور جادو دیکھیں-اس کے علاوہ اس کا ماسک بنانے کے لیے لیموں کے چھلکوں کے پاؤڈر میں تھوڑی مقدار میں ٹھنڈا دودھ شامل کر کے اس کا ماسک لگانے سے بھی جلد کی رنگت بہتر ہوتی ہے-
امید ہے کہ لیموں کے چھلکوں کے استعمال کے ان طریقوں کے استعمال نے آپ کی معلومات میں اضافہ کیا ہوگا-

Lemon Ke Chilkon Ke Fayde

Discover a variety of Tips and Totkay articles on our page, including topics like Lemon Ke Chilkon Ke Fayde and other health issues. Get detailed insights and practical tips for Lemon Ke Chilkon Ke Fayde to help you on your journey to a healthier life. Our easy-to-read content keeps you informed and empowered as you work towards a better lifestyle.

By Musaddiq  |   In Tips and Totkay  |   0 Comments   |   3506 Views   |   09 Jun 2022

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. KFoods.com is not responsible for errors or omissions. Doctors and Hospital officials are not necessarily required to respond or go through this page.

About the Author:

Musaddiq is a content writer with expertise in publishing news articles with strong academic background. Musaddiq is dedicated content writer for news and featured content especially food recipes, daily life tips & tricks related topics and currently employed as content writer at kfoods.com.

Related Articles
Top Trending
COMMENTS | ASK QUESTION (Last Updated: 24 February 2024)

مچھر اور مکھیاں سب دور... کڑوے ضرور مگر فائدے بھرپور، لیموں کے چھلکے جمع کریں اور بے شمار فائدے مفت پائيں

مچھر اور مکھیاں سب دور... کڑوے ضرور مگر فائدے بھرپور، لیموں کے چھلکے جمع کریں اور بے شمار فائدے مفت پائيں ہر کسی کے لیے جاننا ضروری ہیں کیونکہ یہ ایک اہم معلومات ہے۔ مچھر اور مکھیاں سب دور... کڑوے ضرور مگر فائدے بھرپور، لیموں کے چھلکے جمع کریں اور بے شمار فائدے مفت پائيں سے متعلق تفصیلی معلومات آپ کو اس آرٹیکل میں بآسانی مل جائے گی۔ ہمارے پیج پر کھانوں، مصالحوں، ادویات، بیماریوں، فیشن، سیلیبریٹیز، ٹپس اینڈ ٹرکس، ہربلسٹ اور مشہور شیف کی بتائی ہوئی ہر قسم کی ٹپ دستیاب ہے۔ مزید لائف ٹپس، صحت، قدرتی اجزاء اور ماڈرن ریمیڈی کے فوڈز میں موجود ہے۔