ذیابیطس کے مریض دودھ پی سکتے ہیں۔۔ سونے سے پہلے دودھ پینا کیسا ہے؟

ذیابیطس کا مرض اب بہت عام ہو چکا ہے، یہ اندر ہی اندر انسان کو کھوکلا کر دیتا ہے۔ اس کا مریض زندگی کی دوڑ میں پیچھے رہ سکتا ہے اگراحتیاطی تدابیراختیارنہ کرے، اپنے کھانے پینے میں، اپنی فٹنس کا خیال رکھا جائے۔ کچھ لوگ شوگر کے بعد بھی کھانے پینےمیں کوئی احتیاط نہیں کرتے جس کی وجہ سے ان کی طبیعت خراب ہوتی چلی جاتی ہے اور ذیابیطس کی انتہا پر پہنچ جاتے ہیں۔ اس لئے ان کو یہ ضرور پتہ ہونا چاہیے کہ وہ کیا کھائیں اورکس چیزمیں احتیاط کریں، لیکن کچھ ایسی بھی چیزیں ہیں جن کا بظاہر کوئی نقصان نظر نہیں آتا ۔ لیکن وہ شوگر بڑھانے کا باعث بن جاتی ہیں اس لئے آپ کو پتہ ہونا چاہیے کہ آپ جو کھا رہے ہیں وہ آپ کے لئے مفید ہے۔ انہی چیزوں میں یاک دودھ بھی ہے دودھ پینا اور وہ بھی رات کو سوتے وقت دودھ پینا کہیں ذیابیطس کے مریض کے لئے نقصان دہ تو نہیں ہے تو ہم یہاں آپ کو بتائیں گے کہ یہ آپ کو کس طرح فائدہ پہنچا سکتا ہے۔

ذیابیطس کے مریض دودھ پی سکتے ہیں ۔ لیکن اس کے لئے ان کو کچھ احتیاطیں کرنی ہوں گی ،ماہرینِ غذائیت کا یہ کہنا ہے کہ وہ اگر دودھ پئیں تو گائے کا دودھ پئیں۔ اور رات کو سوتے وقت دودھ پینا ان کے لئے صحیح نہیں ہے۔ کیونکہ فل کریم دودھ میں لیکٹوز کی مقدار زیادہ ہوتی ہے تو اس سے آپ کی شوگر بڑھنے کا خطرہ ہو سکتا ہے۔ گائے کا دودھ بھینس کے دودھ کی نسبت ہلکا ہوتا ہے اور ذیابیطس کے مریضوں کے لئے بہتر رہتا ہے۔

کچھ ماہریں غذائیت یہ بھی کہتے ہیں کہ کھانا کھانے کے دو گھنٹے بعد دودھ پیا جا سکتا ہے کھانے کے فوراً بعد دودھ پینا نقصان دہ ہوتا ہے۔ کھانے کے دو گھنٹے بعد اور سونے سے ایک گھنٹہ پہلے دودھ کا پینا اچھا ہے۔ ورنہ اگر دودھ پیتے ہی سو جائیں گے تو یہ بھاری پن پیدا کرے گا، اور ہاضمے کے مسائل پیدا ہوں گے۔ لیکن کچھ ماہرین ذیابیطس کے مریضوں کا رات کو دودھ پینا صحیح نہیں سمجھتے کیونکہ اس کی وجہ دودھ میں موجود لیکٹوز ہے جو کہ چینی کی ہی ایک قسم ہے۔ اور رات میں دودھ پینے کی صورت میں وہ چینی آپ کی شوگر کو بڑھانے کا باعث بن سکتی ہے۔ اس کے علاوہ دودھ کی چکنائی بھی کولیسٹرول بڑھانے کی وجہ بن سکتی ہے۔ اس لئے بہتری اسی میں ہے کہ کچھ چیزوں میں احتیاط کر لی جائے اوراپنی صحت پر کوئی کمپرومائز نہ کیا جائے۔ اور درست وقت اور درست مقدار میں دودھ پیا جائے۔

ذیابیطس کے مریض اور دودھ:

اگر ذیابیطس کے مریض دودھ پیتے ہوئے اس میں ذرا سی دارچینی کا پاؤڈر ملا لیں یا تھوڑی سی ہلدی ڈال لیں تو یہی دودھ آپ کی دوا بن جائے گا ۔ اور دارچینی یا ہلدی کی خصوصیات کی وجہ سے آپ کی شوگر کنٹرول میں رہے گی اور پریشانی کا باعث نہیں بنے گی، لیکن یہ خیال رہے کہ بالکل بستر پر لیٹتے ہوئے دودھ نہ پئیں بلکہ ایک گھنٹہ پہلے ہی اسے پی لیں تاکہ ہضم ہو سکے۔

By Afshan  |   In Health and Fitness  |   0 Comments   |   1113 Views   |   23 Jul 2022
Related Articles
Top Trending
Comments/Ask Question

Read Blog about ذیابیطس کے مریض دودھ پی سکتے ہیں۔۔ سونے سے پہلے دودھ پینا کیسا ہے؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ذیابیطس کے مریض دودھ پی سکتے ہیں۔۔ سونے سے پہلے دودھ پینا کیسا ہے؟) and how to utilize other natural ingredients to cure diseases, easy recipes, and other information related to food from KFoods.