خشک خوبانی کے 12 ایسے فوائد کہ آپ حیران رہ جائیں

خشک خوبانی کھانے کے بہت فائدے ہیں، بات یہ ہے کہ تازہ ہو یا خشک، خوبانی ہماری صحت کے لیے بہت اچھا پھل ہے۔ جہاں تک حقائق کا تعلق ہے، خشک خوبانی کا ایک کپ وٹامنز اور منرلز سے بھرپور ہوتا ہے۔ اس میں روزانہ تجویز کردہ 94 فیصد وٹامن اے اور 19 فیصد آئرن ہوتا ہے۔ 9.5 گرام فائبر اور کچھ مقدار میں کیلشیم کے ساتھ ساتھ وٹامن سی بھی موجود ہے۔ زیادہ مقدارمیں پیکٹین، ایک قسم کا حل پذیر فائبر، پوٹاشیم اور کیروٹینائڈز بھی پائے جاتے ہیں۔ کیروٹینائڈز اینٹی آکسیڈینٹ ہیں جو قدرتی طور پر چمکدار رنگ کے پھلوں اور سبزیوں میں پائے جاتے ہیں۔ تاہم، کچھ ایسی چیزیں ہیں جن پر ہمیں غور کرنے کی ضرورت ہے ۔
تازہ خوبانی میں ایک کپ میں تقریباً 74 کیلوریز اور 14.3 گرام چینی ہوتی ہے، جب کہ خشک خوبانی میں 313 کیلوریز اورایک کپ میں 69.5 چینی ہوتی ہے۔ یہ سخت خول والے بیج بھی ہوتے ہیں جن میں تیل ہوتا ہے جسے نکال کر کشید کیا جا سکتا ہے۔ یہاں آپ کی روزمرہ کی صحت کے لیے خشک خوبانی کھانے کے صحت کے فوائد بتائیں گے۔ تازہ یا خشک خوبانی کو سپر فوڈ سمجھا جاتا ہے، اس کی بنیادی وجہ یہ ہے کہ وہ کیلوریز، مائیکرو نیوٹرینٹ، فائبر، معدنیات اور اینٹی آکسیڈنٹس کا مکمل پیکیج فراہم کرتے ہیں جو عام طور پر دوسرے پھلوں یا سبزیوں میں نہیں پائے جاتے۔ درج ذیل میں، ہم اس بات پر تبادلہ خیال کریں گے کہ خشک خوبانی کھانے سے ہمارے جسم پر کیا اثر پڑتا ہے۔

1۔ میٹا بولزم کو توازن میں رکھے

زیادہ کیلوریز کے علاوہ، خشک میوہ جات کھانے کا ایک فائدہ یہ ہے کہ ان میں فائبر کی زیادہ مقدار ہے، اور یہی خشک خوبانی کے لیے بھی ہے۔ خشک میوہ جات چبانے کے لیے کافی سخت ہوتے ہیں، اس کی وجہ ان میں فائبر کی زیادہ مقدار ہوتی ہے، اور اس طرح، ان کے کم فائبروالوں کے مقابلے میں آہستہ آہستہ ہضم ہوتے ہیں۔ پیکٹین اور سیلولوز، جزوی فائبر اور دست آور غذا کے طور پر کام کرتے ہیں، قبض کے علاج کے ساتھ ساتھ جسم کے میٹابولزم کو متوازن کرنے میں مدد کرتے ہیں۔

2۔ ہمارے دل کوجوان رکھیں

اینٹی آکسیڈنٹس کے فوائد میں سے ایک یہ ہے کہ یہ خراب کولیسٹرول (جسے ایل ڈی ایل بھی کہا جاتا ہے) کو کم کرنے میں مدد کرتے ہیں۔ ایل ڈی ایل بنیادی طور پرفری ریڈیکلز کی وجہ سے ہوتا ہے جو کولیسٹرول کے مالیکیول (لیپو پروٹین) میں موجود چکنائی اور پروٹین سے چوری کرکے اپنے گم شدہ الیکٹرانز کو تبدیل کرنے کی کوشش کرتے ہیں، اور جب فری ریڈیکلز تیزی سے پھیلتے ہیں، ہماری صحت کے لئے خطرہ بنتے ہیں، تو اینٹی آکسیڈنٹس بچاؤ کے لیے موجود ہوتے ہیں۔

3۔ خشک خوبانی ہمیں کینسر سے بچانے میں مدد کرتی ہے

کیروٹینائڈز وہ اینٹی آکسیڈنٹس ہے،جوتمام پھلوں (ساتھ ہی لابسٹرز) کو وہ فینسی رنگ دینے کے علاوہ کیا کرتے ہیں؟ وہ آکسیڈیشن سے لڑتے ہیں،آکسیڈیشن کوئی نام نہیں ہے بلکہ خلیوں کو پہنچنے والے نقصان کا ذمہ دار ہے جس کی وجہ میں کینسر شامل ہے۔

4۔ خون کی کمی کا علاج کرے

خون کی کمی کی علامات ہم میں سے کسی میں بھی ہو سکتی ہیں۔ خون کی کمی، جسے ہم علامات کہتے ہیں، دراصل ہمارے جسم میں آئرن کی کمی ہے۔ خون کے سرخ خلیوں میں ہیموگلوبن زیادہ تر آئرن پر مشتمل ہوتا ہے (اس کا 70%)، لہٰذا آئرن کی کمی کا مطلب "خون کی کمی" ہے۔ خوبانی فولاد(آئرن) سے بھرپور ہوتی ہے، یہی نہیں، ان میں کاپر بھی ہوتا ہے جو جسم کو آئرن جذب کرنے میں مدد دیتا ہے، لہٰذا، خشک خوبانی کا کثرت سے استعمال ہیموگلوبن کی پیداوار میں مددگار ثابت ہوتا ہے، خاص طور پر خواتین کے لیے ضروری ہے وہ خواتین جوخون کی شدید کمی کا شکار ہوتی ہیں۔

5۔ ڈائیٹ کے لیے بہترین

خشک خوبانی میں غذائی ریشہ زیادہ ہوتا ہے، جو نہ صرف ہمارے ہاضمے میں مدد کرتا ہے، بلکہ کھانے کے بعد جو غذائیت ہمیں ملتی ہے اسے برقرار رکھنے میں بھی مدد کرتا ہے۔ یہ ریشہ کے ہضم ہونے میں سست ہونے کی وجہ سے ہے، جس کے نتیجے میں ہماری زیادہ کھانے کی خواہش کم ہو جاتی ہے۔

6۔ آنکھوں کی حفاظت کرتا ہے

کینسر سے لڑنے اور ہارٹ اٹیک کے خطرے کو کم کرنے کے علاوہ، بونس کے طور پر، خوبانی میں موجود وٹامن اے، سی اور ای کے ساتھ کیروٹینائڈز بھی ہماری آنکھوں کو نیلی اور الٹرا وائلٹ لائٹس سے ہونے والے نقصان سے بچاتے ہیں، خاص طور پر ہمارے لیے ضروری ہے کہ جو لوگ سارا دن موبائل، لیپ ٹاپ ، یا کمپیوٹرپر کام کرتے ہیں۔

7۔ مضبوط ہڈیوں کی ضامن

خوبانی میں کیلشیم ہوتا ہے جو ہڈیوں کی نشوونما کے لیے ضروری ہے، اسی لیے خشک خوبانی کھانے سے ہماری ہڈیوں کی صحت کو برقرار رکھنے کے ساتھ ساتھ ہڈیوں سے متعلق مسائل سے بھی بچا جاسکتا ہے، جو بنیادی طور پر کیلشیم کی کمی کی وجہ سے ہوتے ہیں۔

8۔ سردی اور بخار کے علاج میں مدد کرے

یہ تقریباً ہر اس شخص کے لیے مفید ہے جو ہلکا سا بخار محسوس کرتا ہے وٹامن سی کی زیادہ مقدار والے پھلوں کا استعمال، اس کے ساتھ پانی کا زیادہ استعمال، خشک خوبانی کا قہوہ تیار کرنے کے لیے ہم پانی اور تھوڑا سا شہد استعمال کر سکتے ہیں۔ اضافی کیلوریز اور پانی، جسم کو صحت یاب ہونے کے لیے ضروری توانائی فراہم کرنے میں مدد کرتے ہیں۔

9۔ حاملہ خواتین کی صحت کے لئے بھی مفید

خشک خوبانی زیادہ تر وٹامنز اور معدنیات اورآئرن کی وجہ سے اسپورٹس مین کو توانائی فراہم کرتی ہے۔ یہی حاملہ خواتین کے لیے بھی بہت زیادہ فائدہ مند ثابت ہو سکتا ہے، جنہیں اکثر خشک خوبانی کھانے کا مشورہ دیا جاتا ہے تاکہ وہ اپنے آئرن کی سطح کو صحت مند حد تک برقرار رکھ سکیں اور اس طرح خون کی کمی سے بچ سکیں۔

10۔ ضروری الیکٹرولائٹ فراہم کرتی ہے

جوں جوں وقت گزرتا ہے، ہم زیادہ سے زیادہ متحرک ہوتے چلے جاتے ہیں، ہم اپنے بچپن کے مقابلے میں بہت زیادہ گھومتے ہیں۔ آج کل لوگوں کو جن مسائل کا سامنا ہے وہ یہ ہے کہ ہمارے جسم میں بظاہر کبھی بھی فلوئیڈ کی مناسب مقدار نہیں ہوتی۔ لہذا، الیکٹرولائٹ والے مشروبات کے مقابلے میں ہمارے ہائیڈریٹ رہنے کے لئے کیا چیز آسان ہے؟ خوش قسمتی سے، خشک خوبانی اتنی "خشک" نہیں ہوتیں، کیونکہ ان میں پوٹاشیم اور سوڈیم جیسے معدنیات ہوتے ہیں۔ وہ معدنیات الیکٹرولائٹ کے طور پر بھی کام کرتے ہیں تاکہ ہم اپنے فلوئیڈ کی سطح کو ٹھیک رکھ سکیں۔

11۔ پٹھوں کی تعمیر میں ہماری مدد کرے

خشک خوبانی ضروری الیکٹرولائٹ فراہم کرنے میں مدد کرتی ہے، ان میں سے ایک پوٹاشیم ہے۔ پوٹاشیم کو جسمانی افعال جیسے میٹابولزم اور ٹشوز، اعضاء اور دیگر خلیات کی بحالی کے لیے ضروری قرار دیا گیا ہے۔ بحالی یا ریپئرنگ جتنی بہتر ہوگی، ٹشوز کی دوبارہ تعمیر اتنی ہی تیز ہوگی۔ یہی وجہ ہے کہ خشک خوبانی ورزش سے پہلے یا ورزش کے بعد کے علاج کے طور پر بہترین ہے۔ وہ ہماری توانائی کے ساتھ ساتھ خراب شدہ پٹھوں کے ٹشوز کو دوبارہ ریپئر کرنے میں ہماری مدد کر سکتے ہیں، جس کے نتیجے میں یہ ہمارے پٹھوں کی تعمیر کو تیز تر بناتا ہے۔

12۔ خون جمنے میں مدد

چوٹوں سے صحت یاب ہونے کے لئے خون کا جمنا ایک اہم کردار ادا کرتا ہے، جس میں سب سے اہم ضرورت زیادہ خون بہنے سے روکنا ہے۔ خشک خوبانی میں بہت سے وٹامنز ہوتے ہیں، وٹامن کے کے فوائد ان میں سے ایک ہے۔ بہتر طور پر، 4 ایم سی جی وٹامن کے کے لیے ایک کپ خشک خوبانی کا استعمال کرنا کافی ہے۔
یہ صحت کے فوائد میں سے کچھ ہیں۔ بلاشبہ، خشک خوبانی کھانے کے بہت سے دوسرے صحت کے فائدے ہوسکتے ہیں جن کا شاید اس مضمون میں ہم نے احاطہ نہیں کر سکے۔ تازہ ہو یا خشک، خوبانی ہماری صحت کے لیے بہت اچھا پھل ہے ۔

By Afshan    |    In Health and Fitness   |    0 Comments    |    1139 Views    |    03 Jun 2022

Related Articles

Comments/Ask Question

Read Blog about خشک خوبانی کے 12 ایسے فوائد کہ آپ حیران رہ جائیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (خشک خوبانی کے 12 ایسے فوائد کہ آپ حیران رہ جائیں) and how to utilize other natural ingredients to cure diseases, easy recipes, and other information related to food from KFoods.