خون کی کمی یا اینیمیا کیا ہے؟ اسباب٬ علامات اور علاج

جسم میں خون کی کمی کے بارے میں ہم اکثر سنتے رہتے ہیں لیکن اس کی مکمل حقیقت کیا ہے؟ اس کے بارے میں بہت کم لوگ جانتے ہیں- جسم میں خون کی کمی یا انیمیا درحقیقت جسم میں خون کے سرخ خلیات کی کمی کو کہا جاتا ہے جو آکسیجن کی فراہمی کا کام کرتے ہیں۔ یہ مرض کچھ افراد کو پیدائشی طور پر ہوتا ہے جسے تھلیسیمیا بھی کہا جاتا ہے مگر بیشتر افراد ایسے ہوتے ہیں جو آئرن یا وٹامن بی 12 کی کمی کے باعث اس کا شکار ہوجاتے ہیں۔ ڈان نے اس حوالے سے ایک معلوماتی رپورٹ شائع کی ہے جو یہاں بھی شئیر کی جارہی ہے-

اینیمیا کیا ہوتا ہے؟
اس مرض میں خون کے صحت مند سرخ خلیات میں ہیمو گلوبن کی کمی ہوجاتی ہے جو جسم کے مختلف حصوں میں آکسیجن پہنچاتے ہیں، ہیموگلوبن وہ جز ہے جو خون کو سرخ رنگ دیتا ہے۔

اینیما کی علامات کیا ہیں؟
اگر آپ مناسب نیند کے باوجود تھکاوٹ محسوس کرتے ہیں یا روزمرہ کے کاموں کے لیے جسمانی توانائی کم لگتی ہے تو یہ جسم میں خون کی کمی کی جانب اشارہ ہوسکتا ہے، اس کی واضح علامات یہ ہیں:

کمزوری
زرد جلد
سر درد
ہاتھوں اور پیروں کا سن ہونا یا ٹھنڈک
جسمانی درجہ حرارت میں کمی
سر چکرانا


دل سے متعلقہ علامات
خون کی کمی کے شکار افراد کے جسم میں خون کی کمی ہوتی ہے جس کا مطلب یہ ہوتا ہے کہ دل کو زیادہ کام کرنا پڑتا ہے تاکہ اعضاء تک مناسب مقدار میں خون کی سپلائی ہوسکے، تو ایسا ہونے پر دل کی دھڑکن میں خرابی، سانس گھٹنا اور سینے میں درد جیسی علامات سامنے آسکتی ہیں۔

بچوں میں اینیمیا
دو سال کی عمر کے ہر سات میں سے ایک بچے میں خون کی کمی کا مرض ہوسکتا ہے، جس کی وجہ ان کی غذا میں آئرن کی مناسب مقدار نہ ہونا ہے، آئرن کی کمی کے باعث لاحق ہونے والے اس مرض میں بچوں کے اندر مختلف چیزیں جیسے مٹی، لکڑی، برف یا آٹا کھانے کی خواہش ہوسکتی ہے، اس کا علاج نہ ہونے پر دماغی نشوونما متاثر ہوسکتی ہے۔

اس مرض کا سبب بننے والے عناصر
خواتین اور مرد جو مختلف کہنہ امراض کا شکار رہے ہوں ان میں اس کا خطرہ بہت زیادہ ہوتا ہے، اسی طرح دوران حمل بھی خواتین کے دوران خون میں تبدیلیاں آنے سے یہ خطرہ بڑھتا ہے، جبکہ گردوں کے امراض بھی جسم کے سرخ خلیات بنانے کی صلاحیت پر اثرانداز ہوتے ہیں، آئرن یا وٹامن بی 12 کی کمی بھی یہ خطرہ بڑھاتے ہیں۔

تشخیص
اس مرض کی تشخیص کے لیے خون کا مکمل ٹیسٹ ہوتا ہے جس میں سرخ خلیات، سفید خلیات، ہیمو گلوبن اور پلیٹیلٹس کا کاﺅنٹ دیکھا جاتا ہے۔

علاج
بنیادی طور پر یہ مرض آئرن کی کمی کا نتیجہ ہوتا ہے لہٰذا آئرن سے بنی گولیاں یا کیپسولز کا استعمال اس مشکل پر قابو پانے کے لیے بہترین ثابت ہوتا ہے، تاہم اس کا استعمال ڈاکٹر کے مشورے سے ہی کیا جانا چاہئے۔

خون کی کمی دور کرنے والی غذائیں
آئرن کی کمی کی صورت میں اگر جسم میں خون کی کمی ہو تو چند غذائیں فائدہ مند ثابت ہوتی ہیں جیسے دودھ سے بنی اشیا، کیلشیئم سے بھرپور خوراک، کیلشیئم سپلیمنٹس، کافی اور چائے وغیرہ، جبکہ لیموں کو بھی اس حوالے سے بہترین سمجھا جاتا ہے۔

اس سے بچیں کیسے؟
آپ چند اقسام کے اینیمیا سے صحت بخش غذا کا استعمال کرکے بچ سکتے ہیں، آئرن سے بھرپور خوراک بشمول چربی سے پاک گوشت، کلیجی، مچھلی، دالیں ، بیج، سبز پتوں والی سبزیاں اور خشک میوہ جات اس حوالے سے بہترین ہیں، جبکہ وٹامن بی 12 اور فولک ایسڈ سے بھرپور اشیاء جیسے انڈے، دودھ سے بنی مصنوعات، پالک، کیلے، جو کا دلیہ وغیرہ بھی فائدہ مند ثابت ہوتے ہیں، اسی طرح وٹامن سی والے ترش پھل اور سبزیاں جسم کو آئرن جذب کرنے میں مدد دیتے ہیں۔

اس مرض کے ساتھ کیسے زندگی گزاریں؟
اس مرض کا علاج کرانے اور صحت بخش غذا کا استعمال جسمانی توانائی اور عمر کو بڑھاتے ہیں۔

Khoon Ki Kami Ki Alamat

Discover a variety of Health and Fitness articles on our page, including topics like Khoon Ki Kami Ki Alamat and other health issues. Get detailed insights and practical tips for Khoon Ki Kami Ki Alamat to help you on your journey to a healthier life. Our easy-to-read content keeps you informed and empowered as you work towards a better lifestyle.

By Aqib Shahzad  |   In Health and Fitness  |   0 Comments   |   4385 Views   |   01 May 2020
About the Author:

Aqib Shahzad is a content writer with expertise in publishing news articles with strong academic background. Aqib Shahzad is dedicated content writer for news and featured content especially food recipes, daily life tips & tricks related topics and currently employed as content writer at kfoods.com.

Related Articles
Top Trending
COMMENTS | ASK QUESTION (Last Updated: 28 May 2024)

خون کی کمی یا اینیمیا کیا ہے؟ اسباب٬ علامات اور علاج

خون کی کمی یا اینیمیا کیا ہے؟ اسباب٬ علامات اور علاج ہر کسی کے لیے جاننا ضروری ہیں کیونکہ یہ ایک اہم معلومات ہے۔ خون کی کمی یا اینیمیا کیا ہے؟ اسباب٬ علامات اور علاج سے متعلق تفصیلی معلومات آپ کو اس آرٹیکل میں بآسانی مل جائے گی۔ ہمارے پیج پر کھانوں، مصالحوں، ادویات، بیماریوں، فیشن، سیلیبریٹیز، ٹپس اینڈ ٹرکس، ہربلسٹ اور مشہور شیف کی بتائی ہوئی ہر قسم کی ٹپ دستیاب ہے۔ مزید لائف ٹپس، صحت، قدرتی اجزاء اور ماڈرن ریمیڈی کے فوڈز میں موجود ہے۔