زیادہ کام کرنے کی وجہ سے کندھے میں درد ہو رہا ہے؟ جانیئے اس درد سے نجات کے 5 گھریلو طریقے

جب آپ مستقل بیٹھے رہیں یا ایسا کام کریں جو بیٹھے بیٹھے کرنا پڑے تو آپ کی کمر کے اوپری حصے یعنی کندھوں میں درد شروع ہو جاتا ہے، اگر اس درد کو ختم نہ کیا جائے تو ہڈیوں میں درد بیٹھ سکتا ہے اور یہ آپ کے لئے ایک سنگین مسئلہ ثابت ہوگا۔
اس درد کی وجہ سے نہ صرف آپ بےچین رہیں گے بلکہ یہ آپ کے کام اور دیگر سرگرمیوں کو بھی متاثر کرے گا، تاہم اس درد کو ختم کرنے کے چند آسان طریقے موجود ہیں جن کو اپنا کر آپ کندھوں کے درد سے نجات پا سکتے ہیں۔

کندھوں کے درد سے نجات کے طریقے

• گرم یا ٹھنڈی سکائی

اگر آپ کندھوں کے درد سے پریشان ہیں تو ہیٹ پیڈ یا کولڈ پیڈ سے کندھوں کی سِکائی کریں، کولڈ یا ہیٹ پیٹ کو درد کی جگہ پر بار بار 5 سے 6 منٹ کے لئے رکھیں، ایسا کرنے سے جلدی ہی درد ٹھیک ہو جائے گا اور مسلز کو آرام ملے گا۔

• نمک اور پانی

کندھوں کے درد سے نجات کے لئے آپ نیم گرم پانی میں ایپسم نمک یعنی میگنیشیم سلفیٹ ڈال کر نہائیں اس پانی سے نہا کر آپ کے درد میں کمی آئے گی اور آپ خود کو بہت ہلکا محسوس کریں گے۔

• اسٹریچنگ

عام طور پر کندھے کا درد اسٹریچنگ کے زریعے با آسانی ٹھیک ہو جاتا ہے کیونکہ جسم کے اکڑے ہوئے مسلز کو آرام ملتا ہے اور وہ کھچاؤ سے واپس پرسکون ہو جاتے ہیں، روزانہ ورزش کرنے کی عادت بنائیں ایسا کرنے سے آپ کو ہر قسم کے درد سے نجات ملے گی اور آپ کام کی وجہ سے زیادہ تھکن بھی محسوس نہیں کریں گے۔

• مساج تھراپی

مساج ہر قسم کے درد کا آسان ترین حل ہے کسی بھی اچھے درد کش تیل سے کندھوں کا مساج کریں اس سے آپ کی تھکن اُترے گی مسلز کی اکڑن دور ہو گی او پٹھوں کو آرام ملے گا۔