کنگھی کرتے ہوئے بال جھڑنے سے پریشان ہیں تو یہ ٹوٹکہ آپ کے لئے۔۔ ڈاکٹر بلقیس نے بتایا پیاز کا تیل نکالنے کا ایسا طریقہ جو بالوں کا جھڑنا کرے کم اور بنائے سیاہ، گھنا ، چمکدار

بال چہرے کے لئے فریم کا کام کرتے ہیں۔ سیاہ، چمکدار اور گھنے بال مرد اور عورت دونوں کے حسن میں اضافہ کرتے ہیں۔ اسی لئے اگر بال جلد سفید ہونے لگیں یا جھڑنے لگیں تو حسن تو ماند پڑتا ہی ہے اور ساتھ ہی متاثرہ شخص کا اعتماد کمزور پڑنے لگتا ہے۔

بالوں کے مسائل سے نجات کے لئے پیاز کی افادیت کو جھٹلایا نہیں جاسکتا۔ پیاز سلفر سے بھرپور ہوتی ہے۔ اس کا رس یا تیل بنا کر استعمال کرنے سے سفید بال سیاہ ہونے لگتے ہیں اور گنج پن بھی ختم یونے لگتا ہے۔ البتہ سلفر کی زیادتی نقصان دہ بھی ثابت ہوسکتی ہے کیوں کہ اس سے جلد پر الرجی ہوسکتی ہے اس لئے پیاز کا استعمال ہفتے میں 1 سے 2 بار کرنا کافی ہوگا۔

پیاز کا تیل بنانے کا طریقہ

ڈاکٹر بلقیس نے پیاز کا تیل بنانے کا آسان طریقہ بتایا ہے جو ہم اپنے قارئین کی مدد کے لئے یہاں شئیر کرنے جارہے ہیں۔ ایک کپ تل کا تیل لیں اور 2 درمیانے سائز کے پیاز کو کاٹ پہے سے گرم تیل میں انتہائی ہلکی آنچ پر پکائیں، اس آمیزے کو اتنی دیر تک پکاتے رہیں جب تک پیاز کا پانی تم نہ ہوجائے لیکن آنچ تیز نہیں کرنی ورنہ پیاز کا رنگ تبدیل ہوجائے گا اور اس کے سارے فوائد ختم ہوجائیں گے۔

پیاز کا پانی ختم ہوجائے تو تمام تیل کو چھان لیں اور ایک کپ تل کا تیل اسی آمیزے میں ملا کر بوتل میں ملا دیں۔ اس تیل کو ہفتے میں ایک یا زیادہ سے زیادہ 2 بار استعمال کریں کیوں کہ تل کا تیل بھی گرم ہوتا ہے۔ انشاء اللہ آپ کے بالوں کی نشونما شروع ہوجائے گی۔