بیمار باپ کی خدمت میں مصروف تھی اور سب کچھ آنکھ کے سامنے ہوتا رہا.. فرح اقرار شوہر کی تیسری شادی سے سچ بول پڑیں

"میں سب جانتی تھی، لیکن والد کی صحت میری ترجیح تھی!"

معروف صحافی اور اینکر فرح اقرار نے حال ہی میں حافظ احمد کے پوڈکاسٹ میں شرکت کی، جہاں انہوں نے ایک بار پھر اپنی ذاتی زندگی اور اقرار الحسن کی تیسری شادی کے حوالے سے کھل کر بات کی۔ ان کے اس انٹرویو کے بعد سوشل میڈیا پر نئی بحث چھڑ گئی!

فرح اقرار نے اقرار الحسن کی تیسری شادی کے بارے میں بات کرتے ہوئے کہا:

"مجھے ان کی تیسری شادی کا علم تھا، کیونکہ جب کوئی چیز آپ کے سامنے ہو تو آپ اسے محسوس کر سکتے ہیں۔ البتہ، اس وقت میں اپنے والد کی صحت میں زیادہ الجھی ہوئی تھی، اس لیے میں نے اقرار سے کوئی سوال نہیں کیا۔ آپ خود ان سے پوچھ سکتے ہیں۔ میں جانتی تھی کہ یہ سب چل رہا ہے، لیکن میں اپنی ذمہ داریوں میں مصروف تھی۔ اور ویسے بھی، یہ اللہ کی اجازت سے ہے، ہم کون ہوتے ہیں اعتراض کرنے والے؟"

جب ان سے پوچھا گیا کہ ان کا اقرار الحسن کی دونوں بیویوں کے ساتھ تعلق کیسا ہے، تو انہوں نے صاف الفاظ میں کہا:

"ہمارے درمیان ایک اچھا رشتہ ضرور ہے، لیکن ہم دوست نہیں ہیں۔ ہمارا تعلق احترام پر مبنی ہے۔ جب بھی ملاقات ہوتی ہے، ہم ایک دوسرے کی عزت کرتے ہیں، لیکن میں اپنی الگ دوستوں کی محفل رکھتی ہوں۔ میرا عروسہ سے کوئی خاص رابطہ نہیں، ہاں، ہم چند بار ملے ہیں اور اچھی گفتگو ہوئی، مگر وہ میری دوست نہیں ہیں۔ اقرار میرا واحد دوست ہے۔"

جب ان سے پوچھا گیا کہ اگر اقرار الحسن چوتھی شادی کر لیں تو ان کا ردعمل کیا ہوگا، تو انہوں نے حیران کن طور پر کہا:

"ہاں، اگر یہ ان کی خواہش ہے اور وہ کرنا چاہتے ہیں تو ضرور کریں، مجھے اس پر کوئی اعتراض نہیں۔ اگر وہ خوش ہیں، تو انہیں جو بہتر لگے وہ کریں!"

فرح اقرار کی اس گفتگو کے بعد سوشل میڈیا پر صارفین کی مختلف آراء دیکھنے کو مل رہی ہیں۔ کچھ لوگ ان کے بردباری والے رویے کو سراہ رہے ہیں، جبکہ کچھ اس پر حیرت کا اظہار کر رہے ہیں کہ وہ اتنی بڑی بات کو کیسے اتنی آسانی سے قبول کر رہی ہیں۔