بالی ووڈ کا نشہ اب تک نہیں اترا۔۔ فضا علی کی بیٹی کے ہمراہ بھارتی فلم دیکھنے کی ویڈیو پر صارفین آگ بگولہ

Fiza Ali Criticized For Showing Bollywood Movie to Daughter

اداکارہ اور میزبان فضا علی سوشل میڈیا پر اس وقت ہدفِ تنقید بن گئیں جب انہوں نے اپنی بیٹی فرال کے ساتھ بالی ووڈ فلم دیکھنے کا تجربہ انسٹاگرام پر شیئر کیا۔

فضا نے جذباتی مناظر سے بھرپور فلم اگنی پتھ دیکھنے کے بعد ایک ویڈیو پوسٹ کی، جس میں ان کی ننھی بیٹی ایک منظر پر آنکھوں میں آنسو لیے بیٹھی دکھائی دی۔ کیپشن میں انہوں نے بیٹی کی حساس طبیعت کا ذکر کرتے ہوئے بتایا کہ وہ جذباتی مناظر پر فوراً ردعمل دیتی ہے۔

لیکن ویڈیو پوسٹ کرنا فضا کے لیے بھاری پڑ گیا—کئی صارفین نے ان پر تنقید کے تیر برسا دیے۔ کچھ نے سوال اٹھایا: "کیا بھارت کے علاوہ کوئی اور انٹرٹینمنٹ کا ذریعہ نہیں؟"

جبکہ دیگر نے حب الوطنی کے تقاضے یاد دلاتے ہوئے کہا کہ، "ایک پاکستانی فنکارہ کو بالی وڈ فلموں سے اجتناب کرنا چاہیے۔"

کچھ نے تو سیدھا سادہ مشورہ ہی دے دیا، "بالی وڈ کا بائیکاٹ کریں۔"

ایک معصوم ویڈیو نے بحث کا طوفان برپا کر دیا، اور یوں ایک جذباتی لمحہ سوشل میڈیا پر نیشنلزم بمقابلہ انٹرٹینمنٹ کی نئی بحث میں تبدیل ہو گیا۔