آج کل شادی بیاہ میں والدین اپنی بچیوں کو فینسی فرنیچر تحفے میں دے رہے ہیں اور کچھ لوگ خود اپنے گھروں میں اس قسم کا فرنیچر استعمال کرتے ہیں جو دیکھنے میں بہت نفیس اور اچھا بھی لگتا ہے البتہ ان فینسی فرنیچر کی صفائی کرنا ذرا مشکل ہے کہ کہیں ان کی تزئین و آرائش خراب نہ ہو جائے، کہیں پر لگی ہوئی لائٹیں خراب نہ ہوجائیں کیونکہ فرنیچر کی صفائی عموماً گیلے کپڑے یا سرف لگے ہوئے کپڑے سے لوگ کرتے ہیں جس سے یہ فینسی فرنیچر جلد ہی خراب ہو جاتا ہے۔ ایسے میں آج کے فوڈز میں ہم آپ کو ایسے آسان طریقے بتانے جا رہے ہیں جو اس فرنیچر کو خراب ہونے سے بچائے اور لمبے عرصے تک چمکتا ہوا بنائے۔
ٹپس:
٭ تھنر جس سے نیل پالش ہٹائی جاتی ہے، اس کو ایک روئی کے ٹکڑے میں ڈپ کریں اور اس کو فرنیچر کے چاروں طرف جہاں سے صاف کرنا چاہتے ہیں، اس جگہ روئی کے ٹکڑے سے صاف کرلیں، تھنر سے فرنیچر کا نہ تو رنگ خراب ہوگا اور نہ ہی اس کی چمک دمک۔
٭ سرسوں کے تیل سے بھی آپ اپنے اس فرنیچر کی صفائی کرسکتی ہیں، چاہیں تو روئی کے ٹکڑے سے کرلیں یا پھر ایک سوتی کپڑے کو سرسوں کے تیل میں ڈپ کرکے اچھی طرح صفائی کرلیں، یہ بھی ایک اچھا اور سستا طریقہ ہے۔
٭ اگر فرنیچر میں لائٹ یا چھوٹے بلب لگے ہوئے ہوں تو کوشش کریں کہ اس کے تاروں کو صرف سادہ روئی سے صاف کرلیں، ان پر پانی نہ لگنے دیں ۔