خُشک تُلسی کے پتوں کے 5 مفید استعمالات

تلسی کے پتے ہر کوئی تو استعمال نہیں کرتا مگر اس کے بارے میں کم و بیش ہر کوئی جانتا ہے کہ یہ کتنی مفید اور اہمیت کے حامل ہے۔ تلسی کے پتے اینٹی ڈپریشن، اینٹی آکسیڈینٹ، اینٹی انگزائٹی اور اڈاپٹوجن کیمیا سے بھر پوُر ہوتے ہیں جو نہ صرف انسانی دماغ کو تقویت پہنچاتا ہے بلکہ جسمانی اعضاء کو سوزش اور جلن سے بچانے اور خاص طور پر جلی ہوئی جلد کے لیے بہت مفید سمجھا جاتا ہے۔ جسم کے اندر موجود فاضل اور نقصان دہ مادوں کو خارج کر کے خون کو صاف کرتا ہے اور جسم کو کینسر جیسے موذی مرض سے بچا نے میں مدد دیتے ہیں۔

تلسی کے خشک پتوں کے استعمالات:

کھانسی اور نزلہ زکام:
کھانسی اور نزلہ سکی بھی موسم میں ہونا عام بات ہے اور کچھ لوگوں کو دھول مٹی سے الرجی ہوتی ہے جوکہ یقینی طور پر کبھی بھی کسی بھی وقت ہوجاتی ہے جوکہ جسمانی پریشانی کا سبب بنتی ہے۔ اگر آپ کو بھی اس طرح سے ڈسٹ الرجی ہے تو صبح نہارمنہ اور رات کو سونے سے قبل اور جس وقت زیادہ الرجی ہورہی ہو اس وقت ایک کپ تلسی کے خشک پتوں کی چائے پی لیں یہ آپ کے پھیپھڑوں اور نتھنوں کو سوزش سے بھی بچائے گی اور سانس کی نالی کو کچرے سے بچانے میں بھی مفید رہے گی۔

طریقہ:
تلسی کی چائے بنانے کا طریقہ بہت آسان ہے بس ایک کپ پانی کو ابالیں اور اس میں تلسی کے خشک پتوں کا جوش دے کر نیم گرم پی لیں۔

پیٹ کے لئے:
اطالوی ماہرین کہتے ہیں کہ '' تلسی کے خشک پتے پیٹ کے کیڑوں سے لے کر بدہضمی اور ہیضے جیسے تمام امراض میں ایک اہم مرکب کے طور پر کام کرتا ہے۔'' اس لئے اگر آپ کو اچانک پیٹ میں درد ہوگیا ہو یا کھانا ہضم نہ ہورہا ہو تو بتائی گئی اس ترکیب کو آزمائیں اور سکون پائیں۔

طریقہ:
نیم گرم پانی سے آدھا چائے کا چمچ خشک یا تازہ تلسی کے پتوں کا پاؤڈر پھانک لیں اس سے فاضل مادے کچھ ہی وقت میں خارج ہوجائیں گے۔

سر درد اور چہرے کی بھاپ کے لئے:
خشک تلسی کے پتے کے چہرے کی بھاپ اور سر درد کو دور کرنے میں مدد دیتے ہیں۔ کیونکہ ان کو قدرتی ریلیکسنٹ کہا جاتا ہے جوکہ سکون فراہم کرنے میں اہم سمجھے جاتے ہیں۔

طریقہ:
ایک بڑے برتن میں 2 کپ ابلتے ہوئے پانی میں ایک چمچ خشک تلسی کے پتے شامل کریں۔ ایک تولیہ سے سر ڈھانپ لیں اور 5-10 منٹ تک بھاپ میں سانس لیں۔ ایسا کرنے سےآپ کا سردرد کم ہونا شروع ہوجائے گا اور چہرے پر موجود جراثیم اور اندر جمی ہوئی میل بھی ابھر آئے گی جس کو آپ ایک ہلکے کپڑے سے صاف کرلیں۔

کیڑے کا ڈنک:
اگر کوئی کیڑا کاٹ لے یا مکھی ڈنک ماردے تو بھی یہ پتے آپ کی بہت مدد کرسکتے ہیں کیونکہ اینٹی جراثیم کش ہوتے ہیں۔

طریقہ:
تلسی کے پتوں کو چبا کر کھائیں اور اس کا رس جو منہ میں آئے اس کو کاٹنے پر لگانے سے درد کو دور کرنے اور زہر نکالنے میں مدد ملے گی۔

کان میں انفیکشن:
یہ اینٹی بیکٹیریل ہوتے ہیں اس لئے کانوں کے انفیکشن کو دور کرسکتے ہیں۔

طریقہ:
اس کے لئے آپ تلسی کے پتوں کو پانی میں ابال کر چائے کی طرح پئیں بھی اور ساتھ ہی ان پتوں کو سرسوں کے تیل میں پکاکر اس تیل کو کانوں میں لگائیں۔

By Humaira    |    In Health and Fitness   |    0 Comments    |    4462 Views    |    20 Aug 2020

Related Articles

Comments/Ask Question

Read Blog about خُشک تُلسی کے پتوں کے 5 مفید استعمالات and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (خُشک تُلسی کے پتوں کے 5 مفید استعمالات) and how to utilize other natural ingredients to cure diseases, easy recipes, and other information related to food from KFoods.