Juice Peene Wale Bacho Main Is Bimari Ka Khatra Zyada

’جو بچے پھلوں کے جوس پیتے ہیں ان کو اس بیماری کا خطرہ بہت زیادہ ہوتا ہے‘ سائنسدانوں نے ایسا انکشاف کردیا جو تمام والدین کو ضرور معلوم ہونا چاہیے

لندن(مانیٹرنگ ڈیسک) عام تاثر ہے کہ پھلوں کا جوس بچوں کے لیے انتہائی صحت بخش ہوتا ہے لیکن اب سائنسدانوں نے اس تاثر کے برعکس ایسا انکشاف کر دیا ہے کہ والدین اپنے بچوں کو پھلوں کا جوس دینا بندکر دیں گے۔ میل آن لائن کی رپورٹ کے مطابق ہارورڈ یونیورسٹی کے سائنسدانوں کا کہنا ہے کہ ”جو بچے کم عمری سے ہی باقاعدگی سے پھلوں کا جوس پینا شروع کر دیتے ہیں ان کو دمہ کا مرض لاحق ہونے کے امکانات 79فیصد بڑھ جاتے ہیں۔ اس کے علاوہ جو مائیں دوران حمل سوڈا اور دیگر میٹھے ڈرنکس پئیں ان کے ہاں پیدا ہونے والے بچوں میں بھی دمہ ہونے کا خطرہ 70فیصد زیادہ ہوتا ہے۔“

اس تحقیق میں سائنسدانوں نے ایک ہزار ماﺅں اور ان کے بچوں کی غذائی عادات اور طبی ڈیٹا کا تجزیہ کرکے نتائج مرتب کیے ہیں۔معاون تحقیق کار شیریل ریفاس شیمن کا کہنا تھا کہ ”ماضی میں کی جانے والی تحقیقات میں یہ معلوم ہو چکا ہے کہ میٹھے مشروبات موٹاپے کا باعث بنتے ہیں لیکن ہماری تحقیق میں اس کا دمے جیسی موذی بیماری لاحق ہونے جیسا خطرناک نقصان بھی سامنے آیا ہے۔ہماری تحقیق میں ثابت ہوا ہے کہ پھلوں کا جوس بچوں میں موٹاپے کے ذریعے بھی دمہ کا باعث بنتا ہے اور براہ راست بھی دمہ کی بیماری کو بڑھاوا دیتا ہے۔ اس کا اصل سبب تو معلوم نہیں ہوسکا تاہم میں یقین سے کہہ سکتی ہوں کہ ایسے مشروبات بچوں کے جسم میں انفلیمیشن کو بڑھاتے ہیں جس سے ان کے پھیپھڑوں کی نشوونما متاثر ہوتی ہے اور انجام کار وہ دمے کے مریض بن جاتے ہیں۔“

Juice Peene Wale Bacho Main Is Bimari Ka Khatra Zyada

Fresh fruit juices are healthy and essential for kids’ health but it is now rejected through a latest research of scientists which shows that daily intake of fresh juices increased the chance of respiratory problems in children and obesity problems also.
For this research scientists did analysis of daily diet and health conditions of 1 thousand women and kids and came to the conclusion that intake of fresh juice not only indirectly affects the respiratory problem in kids through obesity but also directly affects the lungs of kids.