چہرے کی حفاظت کلینزنگ کے ساتھ ! جانئے گھر پر کلینزنگ کرنے کے 8 طریقے

چہرہ انسانی شخصیت کا آئینہ ہے ہم جس طرح کی سوچ رکھتے ہیں اور غذا لیتے ہیں وہ سب چہرے سے نمایاں ہو تی ہیں ۔ یہی وجہ ہے کہ اس پر خاص توجہ دینی چاہئے اور اس کی حفاظت اور صفائی کا خیال رکھنا چاہئے ، اس کی ایک وجہ یہ بھی ہے کہ ہم دن کا زیادہ تروقت گھر سے باہر مختلف کاموں کے لئے گرمی اور آلودہ فضا میں گزارتے ہیں ،دھول مٹی اور پانی کی کمی سے ہماری جلد بے رونق ہونے لگتی ہے دن کے اختتام پر ہماری جلد کافی حد تک خراب ہو چکی ہوتی ہے اسی لئے رات سونے قبل کلینزنگ کرنا از حد ضروری ہے تاکہ چہرہ اپنی تروتازگی برقرار رکھ سکے ار اس کی رونق لوٹ آئے ۔ آج ہم آپ کو بتائیں گے کہ آپ گھر میں موجود چیزوں سے کس طرح کلینزنگ کر سکتے ہیں ۔

دودھ اور لیموں کا رس

گھر پر کلنزنگ کے لئے دودھ یا بلائی میں لیموں کا رس ملا کر استعمال کریں اس طرح سے نہ صرف جلد صاف ہو جائے گی بلکہ چہرہ کھل اٹھے گا ۔

شہد اور روغن زیتوں

شہد ،زیتون کا تیل،جوکا آٹا اور تھوڑا سا پانی ملاکر آچھی طرح مکس کریں یہ ایک آمیزے کی شکل میں تیار ہو جائے گا ۔ اب اسے چہرے پر ہلکے ہاتھ سے لگائیں اور چند منٹ بعد پانی سے دھولیں ۔ چہرے سے تمام میل صاف ہو جائے گا ۔

خشخاص اور بادام

خشخاص اور بادام کو باریک پیس لیں پھر اس میں دودھ ملا کر مکس کریں ۔ رات سونے پہلے اسے چہرے پر لگا کر اچھی طرح مساج کریں ۔ اور صبح کو چہرہ دھو لیں اس سے نہ صرف چہرے سے گرد دور ہو گی بلکہ چہرے کی رنگت بھی صاف ہو گی کیونکہ یہ ایک بہترین اسکرب ہے ۔

جو کا آٹا

چہرے پر جمی دھول اور گرد صاف کرنے کے لئے ایک بہت ہی آسان طریقہ یہ ہے کہ جو کا آٹالے کر اس میں چند قظرے لیموں کا رس شامل کریں پھر اس آمیزے سے چہرے پر انگلیوں کی پو روں کی مدد سے اچھی طرح مساج کریں اس طرح جلد کی رنگت مزید نکھر جائے گی ۔

بیسن اور ہلدی

بیسن ،ہلدی اور دودھ کو اچھی طرح مکس کر کے پیسٹ بنا لیں ، اب اسے چہرے اور گردن پر لگائیں کچھ دیر بعد چہرہ دھولیں ۔ اس سے نہ صرف چہرہ کا میل دور ہوگا بلکہ وہ چمکنے لگے گا ۔

کھیرا اور دہی

کھیرے اور دہی کو بلینڈر میں اچھی طرح بلینڈ کریں یہ ایک پیسٹ کی طرح بن جائے گا ،ا ب اسے چہرے پر لگائیں چہرہ صاف ہو جائے گا ۔

ناریل کا تیل اور شہد

ناریل کا تیل،شہد اور دہی کو آپس میں اچھی طرح ملائیں ،اور چہرے پر لگائیں ہلکا سا مساج کریں ۔ یہ چہرے کی رونق بحال کرے گا ۔

عرق گلاب اور لیموں کا رس

چہرے کی صفائی کے لئے عرق گلاب یالیموں کے رس میں کاٹن پیڈ (روئی) کو ڈبو کر اس سے چہرہ صاف کریں ،یہ بہترین کلینزنگ کا کام کرے گا ۔

By Hina Yousuf  |   In Beauty and Skin Care  |   0 Comments   |   4009 Views   |   11 Dec 2021
Related Articles
Top Trending
Comments/Ask Question

Read Blog about چہرے کی حفاظت کلینزنگ کے ساتھ ! جانئے گھر پر کلینزنگ کرنے کے 8 طریقے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (چہرے کی حفاظت کلینزنگ کے ساتھ ! جانئے گھر پر کلینزنگ کرنے کے 8 طریقے) and how to utilize other natural ingredients to cure diseases, easy recipes, and other information related to food from KFoods.