شیف ریسٹورنٹ میں جلدی کھانا کیسے بناتے ہیں؟

کھانا جلد از جلد پکانا ہر عورت چاہتی ہے تاکہ وہ وقت بچا کر کوئی اور کام کرلے، اسی لئے کم وقت میں لذیز کھانے بنانے کی کچھ آسان ٹپس ایکسپرٹ کی جانب سے بتائی گئی ہیں جو وومن کارنر میں ہم آپ کے لئے آج بتا رہے ہیں تو آپ بھی جانیں اور اپنی جیسی دوسری خواتین کو بھی بتائیں تاکہ سب کے گھروں میں کھانا مزیدار اور لذیز بنے۔

ٹپس:

٭ پاستہ:

پاستہ جلدی بنانے کے لئے آپ کو چاہئیے کہ اس کو آدھے گھنٹے تک سادے پانی میں بھگو دیں تاکہ یہ جلدی بن کر تیار ہو جائے اور پکنے کے بعد کالی مرچ پاؤڈر اوپر سے چھڑک دیں تاکہ اس میں ذائقہ بڑھ جائے۔

٭ پیاز گلانے کے لئے:

سالن بنانے سے پہلے پیاز کو براؤن کرتی ہیں جس میں آپ کے 10 منٹ یا اس سے زائد لگ جاتے ہیں تو اب سے آدھا چمچ بیکنگ پاؤڈر ڈال کر پیاز کو آئل میں فرائی کرلیں یہ جلدی ہی براؤن ہو جائے گی اور کھانے میں مزہ بھی دے گی۔

٭ باربی کیو:

باربی کیو جلدی بنانا چاہتی ہیں تو گوشت میں مصالحے دو گھنٹے قبل ہی لگا لیں لیکن اس میں سیلیکون ڈائی آکسائیڈ اور ٹھنڈے پانی کا استعمال کریں، یعنی تمام مصالحہ مکس کریں اور ساتھ ہی اس میں سیلیکون اور ٹھنڈا پانی بھی ڈال لیں۔

٭ آلو کا چھلکا اتارنے کے لئے:

آلوؤں کو ابالنے کے بعد ان کے چھلکے اتارنے میں وقت لگتا ہے اس لئے ایکسپرٹ بتاتے ہیں کہ ایک پیالے میں ٹھنڈا پانی ڈالیں اور اس میں ابلے ہوئے آلو ڈال کر چھوڑ دیں، پھر کچھ دیر بعد آپ نکالیں گی تو آلو کا چھلکا آسانی سے اتر جائے گا۔

٭ سبزی جلد بنانے کے لئے:

سبزی بناتے وقت جس وقت آپ اس میں پانی شامل کرتی ہیں تو کوشش کریں کہ پانی میں آدھا چمچ سرکہ مکس کر کے پھر ڈالیں تاکہ سبزی کا نہ تو رنگ خراب ہو اور نہ ہی ذائقہ اور یہ پکے بھی جلدی سے۔ تو اب سے ان ٹپس کو لازمی استعمال کریں اور ذائقہ بڑھانے کے ساتھ وقت بچائیں۔!