بغیر ڈائیٹننگ کے 10 کلو وزن کم کر لیا۔۔ جویریہ سعود نے وزن کم کرنے اور خود کو اسمارٹ رکھنے کے کیا طریقے بتا دیے؟

“مجھے اتنی بھوک لگتی ہے کہ جب تک حلق تک کھانا نہ بھر لوں بھوک نہیں مٹتی لیکن ابھی حال میں ہی میں نے اپنا وزن 10 کلو کم کیا ہے اور اس کے لئے میں نے آٹا، چاول اور چینی تینوں چیزیں چھوڑ دی تھیں“

یہ کہنا ہے مشہور اداکارہ اور ٹی وی میزبان جویریہ سعود کا جنھوں نے چند ہفتے قبل جویریہ سعود کے مارننگ شو میں شرکت کرتے ہوئے اپنے اچانک کم ہوئے وزن کے بارے میں بات کی۔

بھوکی نہیں رہ سکتی سر میں درد ہوتا ہے

جویریہ نے بتایا کہ وہ ڈائٹنگ نہیں کرسکتی جس کی وجہ سے ان کا وزن بڑھ جاتا ہے۔ اگر وہ ڈائٹننگ کریں تو ان کو مائیگرین ہونے لگتا ہے۔ گھر میں چونکہ کھانا وہ خود پکاتی ہیں اس لئے بہت بدپرہیزی ہوجاتی ہے اور وہ اکثر ملائی پراٹھے جیسی چیزیں بھی کھا لیتی ہیں۔ ان سے بھوکا نہیں رہا جاتا اس لئے جب انھیں وزن کم کرنا ہو تو وہ کھانے سے پہلے ڈھیر سارے کھیرے کھاتی ہیں۔

روز کیا کھاتی ہیں؟

جویریہ سعود نے یہ بھی بتایا کہ ان کے ڈائیٹ پلان میں کوئی خاص چیز نہیں شامل ہوتی بس گھر میں بنی دال میں ہی وہ مرغی کی بوٹیاں ڈال لیتی ہیں اور سلاد کے ساتھ کھا لیتی ہیں۔ ہفتے میں ایک دن تھوڑی سی روٹی چاول کھالیتی ہیں تاکہ بہت زیادہ کمزوری نہ ہو۔

واضح رہے کہ جویریہ سعود نے حال میں ہی کافی وزن کم کیا ہے جس کی وجہ سے ان کی تصاویر کافی وائرل ہیں اور لوگ اکثر ہی ان سے اسمارٹنیس کا راز پوچھتے ہیں۔