سرسوں کے تیل کو بتائے گئے طریقے سے استعمال کریں کیونکہ آپ کی جلد، پھٹی ایڑیوں اور بال کے تمام مسائل کا حل اس میں موجود

سرسوں کا تیل بےشمار فوائد کا مالک ہے اور اس کا استعمال متعدد گھریلو ٹوٹکوں میں کیا جاسکتا ہے- آج ہم آپ کو سرسوں کے تیل کے ایسے استعمال بتاتے ہیں جو خاص سردیوں میں آپ کے لیے کارآمد ثابت ہوں گے اور اس موسم کے کئی مسائل پر قابو پانے کے حوالے سے مددگار ثابت ہوں گے-

جلد کے لیے بہترین

سرسوں کا تیل وٹامن ای سے بھرپور ہوتا ہے جو جلد کے لیے بہترین ہوتا ہے، اسے جلد پر لگانے سے فائن لائنز اور جھریوں میں کمی آتی ہے اور یہ سن اسکرین کی طرح کام کرتا ہے۔ تاہم بہت زیادہ تیل جسم پر لگانا نقصان دہ اور خارش کا باعث بن سکتا ہے، جبکہ آئلی اور حساس جلد والے افراد کو اس کی مالش سے گریز کرنا چاہئے۔ ناریل کے تیل اور سرسوں کے تیل کی یکساں مقدار کو ملاکر مالش کرنا جلد کی رنگت کو بھی بہتر بناتا ہے۔

ایڑیاں پھٹنے اور جلد ٹوٹ جانے والے ناخن کا مسئلہ دور کرے

ایڑیاں پھٹنے کا مسئلہ مون سون اور سردیوں میں کافی عام ہوجاتا ہے اور اس سے نجات کے لیے موم اور سرسوں کے تیل کی یکساں مقدار کو مکس کر کے گرم کریں، جس سے وہ گاڑھا ہوجائے گا۔ ایڑیوں کے متاثرہ حصے پر اس مکسچر کو لگائیں اور کاٹن کی جرابیں پہن کر سوجائیں۔ اسی طرح سرسوں کا تیل ناخن پر لگانا اس کی سطح پر جذب ہوکر انہیں غذائیت فراہم کرکے مضبوط کرتا ہے۔

بالوں کی نشوونما بہتر کرے

اگر تو بال گر رہے ہیں یا ان کے بڑھنے کی رفتار سست ہوگئی ہو تو سرسوں کے تیل کا استعمال اس حوالے سے مددگار ثابت ہوسکتا ہے۔ سرسوں کے تیل میں موجود بیٹا کیروٹین بالوں کی نشوونما کی رفتار تیز کردیتا ہے، اس کی مالش سے سر کے اندر دوران خون بہتر ہوتا ہے جبکہ بیکریا کش خصوصیات سر کو انفیکشن سے بچاتا ہے۔ اسی طرح سرسوں کے بیج کو پیس کر پیسٹ بناکر سرسوں کے تیل میں ملا کر سر پر رات بھر لگا رہنے دیں تو اس سے بالوں کے گرنے کے مسئلے کو کنٹرول کرنے میں مدد مل سکتی ہے۔

By Aqib Shahzad    |    In Events in Pakistan   |    0 Comments    |    1742 Views    |    30 Mar 2021

Comments/Ask Question

Read Blog about سرسوں کے تیل کو بتائے گئے طریقے سے استعمال کریں کیونکہ آپ کی جلد، پھٹی ایڑیوں اور بال کے تمام مسائل کا حل اس میں موجود and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (سرسوں کے تیل کو بتائے گئے طریقے سے استعمال کریں کیونکہ آپ کی جلد، پھٹی ایڑیوں اور بال کے تمام مسائل کا حل اس میں موجود) and how to utilize other natural ingredients to cure diseases, easy recipes, and other information related to food from KFoods.