اکلوتی بیٹی دعا کر رہی تھی کہ اللہ مجھے والد کی خدمت کا موقع دے۔۔ وہ لڑکی جس نے اپنے باپ کی زندگی بچانے کے لیے اپنا جگر عطیہ کیا

بیٹیاں تو سانجھیاں ہوتی ہیں، ہر والدین کی آنکھ کا تارا ہوتی ہیں۔ جس طرح والدین بیٹیوں کے لیے بہت فکر مند رہتے ہیں بالکل ویسے ہی بیٹیاں بھی ماں اور خاص کر باپ کے لیے فکر مند رہتی دکھائی دیتی ہیں۔

بیٹیوں کا باپ کے ساتھ لگاؤ زیادہ ہوتا ہے اور جو کہانی آج آپ کو بتانے جا رہے ہیں اس میں بیٹی نے اپنے والد کے لیے وہ کام کر دکھایا جس پر وہ داد کی حق دار ہے۔

یہ واقعہ آپ کے دل میں بھی اپنے والدین کی محبت کا جذبہ بیدار کرے گا جو آپ کی خاطر اپنا سب کچھ قربان کر دیتے ہیں۔

یہ خبر گذشتہ سال پرانی ہے مگر اس میں ایک سبق اور ایک پیغام موجود ہے۔ یہ واقعہ پنجاب کے شہر فیصل آباد میں پیش آیا جب ایک بیٹی نے اپنے باپ کو جگر عطیہ کرکے ان کی زندگی بچائی تھی۔

میڈیا رپورٹس کے مطابق سندھ انسٹیٹیوٹ آف میڈیکل سائنسز گمبٹ کے ڈاکٹرز نے شہری طارق اقبال نامی شہری کا جگرٹرانسپلانٹ کرنے کا کارنامہ انجام دیا اورآپریشن کامیاب بنایا۔

سرجری کرنے والے ڈاکٹر عبدالوہاب نے بتایا کہ مریض کے ڈونر کا بلڈ گروپ دوسرا تھا، مریض کا قوت مدافعت کا نظام ہم اتان نیچے لے آئے تھے کہ وہ کسی بھی بلڈ گروپ کے ساتھ میچ ہوسکے،گزشتہ برس 3 جولائی کو جگر ٹرانسپلانٹ کیا گیا تھا جو کامیاب رہا۔

فیصل آباد کے رہائشی طارق اقبال بیٹی زینب نور کی جانب سے جگر عطیہ کرنے پر خوشی سے نہال ہیں۔

جگر ٹرانسپلانٹ کی کامیاب سرجری پر فیصل آباد کے رہائشی شہری طارق اقبال نے فخریہ انداز میں اپنی بیٹی کی تعریف کرتے ہوئے کہا کہ بیٹی صرف دیتی ہے لیتی کچھ نہیں ہے، میری بیٹی میرے تین بیٹوں سے بڑھ کر ہے۔

انہوں نے بتایا کہ اکلوتی بیٹی پہلے سے دعا کررہی تھی کہ اللہ مجھے موقع دے تو میں اپنے والد کی خدمت کر سکوں۔

By Zain  |   In News  |   0 Comments   |   12838 Views   |   17 Nov 2022
Related Articles
Top Trending
Comments/Ask Question

Read Blog about اکلوتی بیٹی دعا کر رہی تھی کہ اللہ مجھے والد کی خدمت کا موقع دے۔۔ وہ لڑکی جس نے اپنے باپ کی زندگی بچانے کے لیے اپنا جگر عطیہ کیا and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (اکلوتی بیٹی دعا کر رہی تھی کہ اللہ مجھے والد کی خدمت کا موقع دے۔۔ وہ لڑکی جس نے اپنے باپ کی زندگی بچانے کے لیے اپنا جگر عطیہ کیا) and how to utilize other natural ingredients to cure diseases, easy recipes, and other information related to food from KFoods.