آنکھوں کے گرد حلقے اور چہرے کی جھریوں سے پریشان ہیں تو قدرتی بوٹوکس آڑو کا استعمال کریں

کھٹے میٹھے ذائقے والا آڑو قدرت کے عطا کردہ ان خزانوں میں سے ایک ہے جو کہ ذائقے اور افادیت دونوں میں بے مثال ہے۔اکثر لوگ اس کی ترشی کی وجہ سے اس کو کھانے سے گھبراتے ہیں۔ لیکن اس کی منفرد خوشبوہر ایک کو اپنی طرف متوجہ ضرور کرتی ہے۔ اسکی غذائیت اور فوائد کی بدولت اس کو مکمل خوراک کا درجہ بھی حاصل ہے۔ اس میں موجود فائبر جسم میں موجود زہریلے مادوں کو جسم سے نکال پھینکتا ہے، یہ زہریلے مادے گردوں پر اضافی دباؤ ڈالتے ہیں جس کی وجہ سے جسم کا مدافعتی نظام بھی متاثر ہوتا ہے۔

جسم کے مدافعتی نظام کو مضبوط بنائے

آڑو جسم میں موجود زہریلے مادوں کو ختم کرنے کے لئے بہترین پھل ہے۔ ماہرین یہ بھی کہتے ہیں کہ آڑو کے غذائی اجزاء السر کو بڑھنے سے روکتے ہیں۔ اگر آپ اپنے گردوں کی روائتی صفائی کرنا چاہتے ہیں تو آپ کو چاہیے کہ آپ آڑو کو اپنی روزمرہ کی غذامیں شامل کرلیں۔ وٹامن سی اور مفید اینٹی آکسیڈنٹ کا بہترین ذریعہ ہونے کے باعث آڑو کینسر کے ان زرات کی تشکیل کو روکتاہے جو کینسر کا سبب بنتے ہیں اعلیٰ فائبر پر مشتمل ہونے کے باعث بڑی آنت کے کینسر سے بچاتاہے۔

وزن کو اعتدال میں رکھتا ہے

جو لوگ ڈائٹ کرنے کے شوقین ہیں انہیں چاہیے کہ اپنی خوراک میں آڑو کا حصہ ضرور رکھیں، ایک آڑو میں اگر کلوریز کو شمار کیا جائے تو یہ 86 کیلوریزشمارہوتی ہے۔ کم کلوریز شمار کے علاوہ آڑو میں چربی کی مقدار صفر کے قریب ہے۔آڑو کم چربی ، کم کلوریز اور دیگر صحت کے فائدے کے حساب سے آپ کی خوراک کی منصوبہ بندی کیلئے ایک بہترین انتخاب ہے۔ اینٹی اوبیسیٹی اور اینٹی انفلیمنٹری خاصیت سے بھرپور اور بڑے کولیسٹرول کو کم کرنے کی صلاحیت رکھتاہے۔

چمکدار جھریوں سے پاک جلد کے لئے

یہ جھریوں سے پاک چمکدار جلد کیلئے بہترین پھل ہے، یہ مزیدار پھل مدافعاتی نظام کے لئے ایک بوسٹر کے طور پر کام کرتا ہے جس میں بہت زیادہ مقدارمیں وٹامن سی پایا جاتا ہے جوکہ ہماری جلد کی حفاظت کے لئے ضروری غذائیت ہے۔آڑو ان وجوہات کو روکتا ہے جن سے چہرے کو نقصان پہنچتا ہے۔ آڑو خاص طور پر آنکھوں کے گرد سیاہ حلقے اور جھریوں کے خاتمہ کے لئے بیرونی طور پر خوبصورتی کی دیکھ بھال کے ایک جزوکے طور پر کرتا ہے۔

آنکھوں کی صحت وحفاظت کے لئے

یہ آپ کی خوبصورت آنکھوں کو اس وقت اور خوبصورت بنادیتا ہے جب ان آنکھوں میں چمک بھی ہو اورنظربھی چیتے کی طرح ہو۔آڑوآنکھوں کی صحت کیلئے بہترین پھل ہے، عمر اور دوسرے عوامل آپ کی نظر کومتاثر کرتے ہیں لیکن آڑوایک ایسا پھل ہے جوآنکھوں کو مخصوص غذائی اجزاء فراہم کرنے کے لئے بہت اہم کردار ادا کرتا ہے تاکہ نقصان دہ عناصر سے بہتر طریقے سے مقابلہ کرسکے۔ زیادہ تر ماہرین نے آنکھوں کی صحت مند ہونے کے لیئے قدرتی اجزاءکے طور پر گاجر کو ترجیح دی ہے لیکن ماہرین نے آڑو کی افادیت کو بھی تسلیم کیا ہے۔ آڑو بیٹا کیروٹین کے مجموعہ کے ساتھ جسم کے تمام حصوں میں خون کی گردش کو بڑھانے کے علاوہ آنکھوں کے پٹھوں کو بھی فعال بناتا ہے۔

غذائی اجزاء کا بڑا ذخیرہ

آڑو کے ساتھ بہت بڑاغذائی ذخیرہ وٹامن اے، وٹامن سی، وٹامن ای، آئرن، زنک، میگنشیئم اور کیلشیئم کا موجود ہے۔ آڑو مکمل طور پر ہمارے جسم کی فلاح کیلئے فائدہ مند مرکبات کی طویل فہرست کے ساتھ حیرت انگیز طور پر کام کرتے ہیں۔ آڑو کو اپنی روزمرہ کھانے میں یا سلاد میں بھی شامل کی جاسکتا ہے۔ مختلف میٹھوں میں بھی اس کے استعمال سے انفرادیت پیدا کی جاسکتی ہے۔