شادی کے 29 سال بعد اے آر رحمان کی اہلیہ سائرہ بانو نے علیحدگی کا اعلان کر دیا، وجہ کیا سامنے آئی؟

بھارتی موسیقار و گلوکار اے آر رحمان کی اہلیہ سائرہ بانو نے شادی کے 29 سال بعد شوہر سے علیحدگی کا اعلان کردیا۔

بین الاقوامی شہرت یافتہ گلوکار کی اہلیہ نے گزشتہ روز سوشل میڈیا کے ذریعے یہ خبر شیئر کی، جس کے بعد سے ہر کوئی حیرت میں مبتلہ ہے کہ آخر اتنی پرانی شادی کے ختم ہونے کی وجہ کیا ہے۔

بھارتی میڈیا کے مطابق، سائرہ بانو کی وکیل وندنا شاہ کی جانب سے جاری کیے گئے بیان میں کہا گیا کہ "کئی سالوں کی شادی کے بعد سائرہ نے اپنے شوہر اے آر رحمان سے علیحدگی کا مشکل فیصلہ کیا ہے۔ یہ فیصلہ ان کے تعلقات میں جذباتی دباؤ کے باعث لیا گیا ہے"۔

بیان میں مزید بتایا کہ، "ایک دوسرے سے گہری محبت کے باوجود اس رشتے میں پیدا ہونے والے تناؤ اور مشکلات نے ایک ناقابل عبور خلیج پیدا کر دی ہے، جسے اس وقت دونوں فریقین ختم کرنے سے قاصر ہیں۔ یہ فیصلہ تکلیف اور اذیت کے عالم میں لیا گیا ہے"۔

دوسری جانب سائرہ بانو نے عوام سے اپیل کرتے ہوئے کہا کہ، میں درخواست کرتی ہوں کہ وہ میرے اس مشکل دور میں سمجھداری کا مظاہرہ کریں اور ہمیں سکون سے رہنے دیں"۔