وٹامن بی 12 کے حصول کا بہترین ذریعہ ۔۔ ایلوویرا جوس پینے سے کیا کیا فوائد حاصل ہو سکتے ہیں؟

ایلوویرا کا نام اور کام سب نے ہی سنے ہوں گے اس کو زیادہ تر بیوٹی پروڈکٹس یا جلد کی خوبصورتی یا بالوں کی نرمی کے لئے استعمال کیا جاتا ہے۔ لیکن کیا آپ جانتے ہیں کہ اس کے گاڑھے لیس میں بے انتہا فوائد پوشیدہ ہیں۔ اور یہ آپ کی ہڈیوں کا گودا بڑھانے کے ساتھ ساتھ کون کون سے مسائل حل کر سکتا ہے۔ جن لوگوں کے گھٹنوں سے آوازیں آتی ہیں یا ہڈیاں بھربھرے پن کا شکار ہوجاتی ہیں ان کے لئے یہ بہترین علاج ہے۔
ایلوویرا آپ کے لئے زبردست سن اسکرین بھی ہے یہ سورج کی نقصان دہ شعاعوں سے بچا کر جلد کی حفاظت کرتا ہے۔ لیکن یہاں ہم آپ کو اس کے جوس کو پینے کے فوائد کے بارے میں بتائیں گے۔ اس کے جوس میں کڑواہٹ اور کسیلا پن ہوتا ہے اس لئے اس کو مختلف شیکس میں ملا کر پیا جائے تو بہتر ہے۔

ڈی ہائیڈریشن سے بچائے:

ایلوویرا میں چونکہ پانی کی کافی مقدار ہوتی ہے اس لئے یہ جسم میں پانی کی کمی نہین ہونے دیتا، اور جسم کو ہائیڈریٹ رکھتا ہے۔ اس کو جوس آپ کے جسم کی کارکردگی کو موثر کرتا ہے۔ یہ گردوں اور جگر کی بھی صحت کو بہتر کرتا ہے ، جسم سے فاسد مادوں کو باہر نکالتا ہے۔ اور غذائی اجزاء فراہم کرتا ہے۔

جگر کی صحت:

آپ کا جگر صحت مند ہوتو پورا جسم صحت مند رہتا ہے۔ کیونکہ یہ جسم میں خون کی صفائی اور اسے بنانے کا اہم کام سرانجام دیتا ہے۔ جب جگر کو پانی کی صحیح مقدار پہنچ رہی ہو اور غذائی اجزاء بھی میسر ہوں تو جگر کے افعال تیز ہوجاتے ہیں۔ اور اس میں بہتری پیدا ہو جاتی ہے۔ ایلوویرا جوس جگر کے لئے بے مثال ہے۔

قبض سے بچائے:

ایلوویرا جوس کا گاڑھا سیال قبض دور کرتا ہے جسم میں پانی کی کمی کو دور کر کے اس کو ہائیڈریٹ رکھتا ہے، جسم میں خشکی نہیں ہونے دیتا۔ جس سے قبض کی شکایت دور ہوتی ہے۔ یہ معدے میں بھی مفید بیکٹیریا کی مقدار میں اضافہ کرتا ہے۔

خوبصورت جلد :

ایلوویرا جوس جلد کی خوبصورتی میں اندرونی اور بیرونی دونوں طرح کام دکھاتا ہے۔ یہ جلد کو صاف شفاف اورکیل مہاسوں، داغ دھبوں سے پاک کرتا ہے۔ سورج کی شعاعوں سے بچا کر جلد کی رنگت خراب ہونے سے بھی دفاع کرتا ہے۔ یہ جھریاں پڑنے سے بھی بچاتا ہے۔

بہترین غذائی اجزاء:

ایلوویرا جوس میں کیلشیئم، کاپر، کرومیم، سوڈیم، سیلینیم، میگنیشم، مینگنیز اور زنک کی بھی کافی مقدارپائی جاتی ہے۔ اس کے علاوہ اہم وٹامنز اور منرلز جیسے وٹامنز بی، سی، ای اور فولک ایسڈ بھی موجود ہیں۔

ایلو ویرا جوس وٹامن بی 12 کا بہترین ذریعہ:

ایلوویرا جوس وٹامن بی 12 کے حصول کا واحد نباتاتی ذریعہ ہے۔ اس سے آپ وہ سارے فوائد حاصل کر سکتے ہیں جو کہ وٹامن بی 12 سپلیمنٹ کو استعما ل کر کے حاصل کرتے ہیں۔

معدے کی تیزابیت دور کرے:

ایلوویرا جوس معدے کی تیزابیت دور کرنےمیں بھی اپنا بہترین کردار ادا کرتا ہے، اس میں موجود اجزاء سینے کی جلن، تیزابیت اور بھاری پن دور کرتے ہیں۔

شوگر فری، ڈائٹ کنٹرول:

اس جوس میں چونکہ شکر بالکل نہیں پائی جاتی تو اس لئے یہ جوس ڈائٹ کرنے والے بھی بے فکر ہو کر استعمال کر سکتے ہیں۔ اس سے وزن نہیں بڑھتا اور فوائد بے شمار حاصل ہوتے ہیں۔