رمضان میں عام طور پر گردے کے مریضوں کے لئے خاصی مشکلات میں اضافہ ہو جاتا ہے۔ کیونکہ دن بھر روزے کی وجہ سے پانی نہیں پیا جاتا جس کی وجہ سے گردوں پر دباؤ بڑھ جاتا ہے، اور گردے کی تکالیف میں اضافہ ہوجاتا ہے۔ یورک ایسڈ بڑھنے سے پیروں پر یا جسم کے کسی بھی حصے پر سوجن پیدا ہو جاتی ہے ، اس کے علاوہ پیشاب کی نالی کا انفیکشن یا یو ٹی آئی کی تکالیف بھی رمضان میں بڑھ جاتی ہیں۔ پانی کی کمی، بادی چیزوں کا مستقل استعمال، یہ ان تکالیف کو اور بڑھا دیتی ہیں۔ اور ان تکالیف کا فوری علاج نہ کیا جائے تو یہ گردوں کی خرابی ڈائلیسس کی طرف بھی جا سکتی ہے۔ اسی لئے ڈاکٹر بلقیس نے خاص کر گردے کے مریضوں کے لئے یہ نسخہ تیار کیا ہے اور اس کو اپنے کئی مریضوں پر کامیاب استعمال کے بعد عام لوگوں کے لئے پیش کیا ۔ یہ نسخہ شوگر یا ذیابیطس کے مریض استعمال نہ کریں اور استعمال سے پہلے اگر آپ کی دوا چل رہی ہے تو اس ڈاکٹر سے مشورہ ضرور کر لیں کہ اس دوا کے ساتھ یہ نسخہ استعمال کرنے کے کوئی سائڈ ایفیکٹس تو نہیں ہوں گے ۔
خربوزہ( چھوٹا) ایک عدد
شربتِ بزوری 2 بڑے چمچ
عرقِ بادیان 1 کپ
خربوزہ کاٹ لیں اور چھلکے اور بیج سمیت گرائنڈر میں ڈال کر گرائنڈ کر لیں اب اس میں شربتِ بزوری اور عرقِ بادیان بھی ڈال دیں اور اتنا
گرائنڈ کریں کہ کریمی ٹیکسچر ہو جائے۔ اب اس کو کسی چھلنی سے چھان لیں اور یہ پورا جوس گردے کے مریض کو دیں کہ وہ اسکو سارا دن گھونٹ گھونٹ پیتا رہے۔ ایک ساتھ نہیں پینا ، تھوڑا تھوڑا کر کے پینا ہے۔ اس کو پینے سے ہو سکتا ہے شروع میں تھوڑی سی گھبراہٹ یا متلی وغیرہ محسوس ہو ، لیکن اس کا باقاعدہ استعمال گردے کے لئے بہت فائدہ مند ہے۔