اتنا میک اپ لگا کر پراٹھا کون بناتا ہے.. بشریٰ انصاری کی ویڈیو پر تنقید! انھوں نے بھی منہ توڑ جواب دے دیا، دیکھیں

"پراٹھا بنانے کی کوشش کر رہی ہیں یعنی کہ انہیں پراٹھا بنانا نہیں آتا"

"اتنی بڑی عمر ہوجانے کے باوجود ابھی تک انہیں پراٹھا بنانے نہیں آیا اور ابھی بھی کوشش کررہی ہیں"

"انہیں بچپن سے دیکھ دیکھ کر ہم بوڑھے ہوگئے لیکن یہ تا بوڑھا ہونے کا نام ہی نہیں لے رہیں"

"اتنا میک اپ لگا کر کون پراٹھا بناتا ہے. حد ہوگئی"

یہ تنقیدی تبصرے ہیں ان صارفین کے جنھیں حال ہی میں معروف اداکارہ بشریٰ انصاری کا یوٹیوب وی لاگ کچھ خاص پسند نہیں آیا. بشریٰ نے انسٹاگرام پر اپنی تصویر کے ساتھ مداحوں کو یوٹیوب پر اپنا وی لاگ دیکھنے کی درخواست کی تھی جس میں وہ لچھے دار آلو کا پراٹھا بنا رہی ہیں. آپ بھی دیکھیں

ویڈیو کی کوالٹی اگرچہ بہت اچھی نہیں لیکن یقیناً پراٹھا بہت مزیدار ہے البتہ سوشل میڈیا صارفین نے اس ویڈیو پر بشریٰ کو خوب سخت سست سنا ڈالیں جس پر بشریٰ بھی خاموش نہ رہیں اور اس حوالے سے ایک اور پوسٹ کر ڈالی.

دوبارہ کی گئی پوسٹ میں بشریٰ اپنا تیار کردہ پراٹھا کھاتی دکھائی دیں ساتھ ہی انھوں نے کیپشن دیا کہ لوگ اگر تھوڑی سے زحمت کرکے یوٹیوب پر ان کی پراٹھا بنانے کی ویڈیو دیکھ لیتے تو بات کو سمجھ جاتے لیکن انہوں نے ایسا نہیں کیا اور ایویں تنقید شروع کردی.