ایسا لگا جیسے روح پرواز کرگئی لیکن ۔۔ مسجد نبویؐ میں پاکستانی کو دل کا دورہ، معجزاتی طور پر دھڑکن اچانک بحال، واقعہ کیا پیش آیا؟

جسے اللہ رکھے اسے کون چکھے، یہ جملا کئی مرتبہ آنکھوں کے سامنے سچ ہوتے دیکھا گیا ہے۔ سعودی عرب میں ایک پاکستانی زائر عمرہ کرنے گیا تو اچانک مسجدِ نبوی ﷺ میں اس کی طبیعت خراب ہوئی اور حرکتَ قلب بند ہوگئی، گھر والے پریشانی کے عالم میں سجدہ ریز ہوگئے، وہیں فوری طبی امداد دینے والے عملے نے بھی بھرپور کوششیں کی اس شخص کی جان بچانے کی۔ معجزاتی طور پر اس کا دل 10 منٹ بعد دوبارہ کام کرنے لگ گیا۔

تفصیلات کے مطابق مدینہ منورہ میں ریسکیو اور ریپڈ انٹروینشن ٹیم کے عملے کو اطلاع ملی کہ مسجد نبوی کے صحن میں ایک 70 سالہ زائر کی اچانک طبیعت خراب ہوگئی ہے۔ بے ہوش مریض کے لیے فوری طور پر ایمبولینس سروس فراہم کی گئی۔ مریض کارڈیک اریسٹ اور ریسپائریٹری اریسٹ کا شکار تھا۔

ان کو 10 منٹ سے زیادہ بجلی کے جھٹکوں کے ساتھ ساتھ اس وقت تک سی P.R دیا گیا جب تک کہ دل کی دھڑکن واپس نہ آگئی۔ مریض کو ہوش آنے کے بعد مزید علاج کے لیے الصافیہ سنٹر منتقل کیا گیا، جہاں اس کی حالت بہتر بتائی گئی۔

عملے کے ایک شخص العمر بن عمرو فیاض کا کہنا ہے کہ ایسا معجزہ ہم نے کئی مرتبہ دیکھا ہے کہ مسجدِ نبوی ﷺ میں اکثر لوگ جن کا دل کام کرنا بند کر جاتا ہے وہ دوبارہ زندگی کو لوٹ جاتے ہیں۔ ہم خود یہ کرشمہ دیکھ کر حیران ہو جاتے ہیں۔ واضح رہے اس سے قبل 2019 میں یمنی حاجی کو دل کا دورہ پڑا تھا اور 120 منٹ کے اندر طبی امداد فراہم کرکے ان کی جان بچا لی گئی۔